Туризм фаолиятини тартибга солувчи стандартлар

  • Қуйида келтирилган Ўзбекистон Республикаси Давлат стандартлари Марказ томонидан белгиланган тартибда ишлаб чиқилган:

ЎЗБЕКИСТОН РЕСПУБЛИКАСИНИНГ ДАВЛАТ СТАНДАРТИ Oʻz DSt 3459:2019 Туризм хизматлари. Тоғ чанғиси трассалари. Таснифлаш тизими

  1. Стандарт тоғ чанғиси трассаларига тааллуқли ва тоғ чанғиси трассаларини таснифлаш тизимини белгилайди.
  2. Стандарт, сертификатлаштириш органлари томонидан туристик хизматларни сертификатлаштириш мақсадида ва турли мулк шаклига эга корхоналар томонидан тоғ чанғиси трассалари хизматлари кўрсатилиши вақтида қўллаш учун мўлжалланган.
  3. Ушбу стандарт тоғ чанғиси трассалари хавфсизлигига доир талабларни белгиламайди.

 

ЎЗБЕКИСТОН РЕСПУБЛИКАСИНИНГ ДАВЛАТ СТАНДАРТИ Oʻz DSt 3418:2019 Туризм хизматлари. Туроператор ва турагентлар ходимларига доир умумий талаблар

  1. Стандарт мулкчилик шакли ва фаолиятнинг ташкилий-ҳуқуқий шаклидан қатъий назар туроператорлар ва турагентларнинг ходимларига доир умумий талабларни белгилайди.
  2. Стандарт ходимларни танлаш ва тақсимлаш, аттестация ўтказиш, туроператорлар ва турагентлар ходимларига лавозим йўриқномалари ва ишга доир стандартларни ишлаб чиқиш вақтида қўлланилиши мумкин.
  3. Туроператорлар ва турагентлар хизматларидан фойдаланувчилар, давлат бошқаруви органлари ва мувофиқликни баҳолаш органлари ҳам назорат қилиш ва баҳолаш вақтида уни қўллашлари мумкин.

 

ЎЗБЕКИСТОН РЕСПУБЛИКАСИНИНГ ДАВЛАТ СТАНДАРТИ Oʻz DSt 3417:2019 Туризм хизматлари. Жойлаштириш воситаларида хизмат кўрсатадиган ходимларга доир умумий талаблар

  1. Стандарт турли хил ва тоифадаги жойлаштириш воситаларида хизмат кўрсатадиган ходимларга доир умумий талабларни белгилайди.
  2. Стандарт барча ташкилий-ҳуқуқий шаклдаги ва мулкчилик шаклидаги жойлаштириш воситаларида хизмат кўрсатувчи ходимларга тааллуқли.
  3. Стандарт ходимларни танлаш ва тақсимлаш, аттестация ўтказиш, жойлаштириш воситаларида хизмат кўрсатувчи ходимларга лавозим йўриқномалари ва ишга доир стандартларни ишлаб чиқиш вақтида қўлланилиши мумкин.

ЎЗБЕКИСТОН РЕСПУБЛИКАСИНИНГ ДАВЛАТ СТАНДАРТИ Oʻz DSt 37.001:2020 Корхоналар фаолиятининг хавфсиз шароитларини стандартлар тизими. Туристик индустрия объектларида хавфсиз туристик хизматлар кўрсатишга доир тавсиялар

  1. Стандарт инфекцион касалликларнинг оммавий тарқалиши (эпидемия, пандемия) ва ундан кейинги даврда туристик индустрия объектлари (кейинчалик матнда – объект) ишчи ва ходимларининг саломатлигини ҳимоя қилиш учун мақбул меҳнат шароитини ва меҳнат жараёнини ташкил этиш, профилактик тадбирларни амалга ошириш, туристларнинг саломатлигини таъминлаш мақсадида уларга санитария-гигиеник хавфсиз хизмат кўрсатиш бўйича тавсияларни ўз ичига олади ва қўлланилишда ихтиёрийлик касб этади.
  2. Стандарт туризм хизматларини тақдим қиладиган ташкилотлар томонидан қўлланиши учун мўлжалланган.
  3. Стандарт объектларни текшириш, баҳолаш ёки тан олиш вақтида ҳам қўлланилиши мумкин.
  4. Ушбу стандарт талабларига мувофиқ сертификатлаштирилган объектларга махсус танитиш белгиси тақдим қилинади.

 

    1. Oʻz DSt ISO 18513:2017“Туризм хизматлари. Меҳмонхона ва туристларни жойлаштириш воситаларининг бошқа турлари. Атамашунослик” Ўзбекистон Республикаси Давлат стандарти:
    • одатда туризм фаолиятида қўлланиладиган уч тилдаги (ўзбек, инглиз ва рус) атамалар, таърифлар ва луғатдан иборат;
    • ISO 18513:2003 «Tourism services – Hotels and other types of tourism accommodation – Terminology» халқаро стандартига айнан ўхшаш.
    1. Oʻz DSt ISO 14785:2018“Туризм ахборот бюролари. Туризм ахбороти ва қабул қилиш хизматлари. Талаблар” Ўзбекистон Республикаси Давлат стандарти (давлат тилида):
    • туризм ахборот марказлари (бюролари) томонидан тақдим этиладиган хизматлар сифатига доир талабларни белгилайди;
    • ISO 14785:2014 «Tourist information offices – Tourist information and reception services – Requirements» халқаро стандартига айнан ўхшаш.
    1. Oʻz DSt 3220:2017“Туризм хизматлари. Жойлаштириш воситалари. Умумий талаблар” Ўзбекистон Республикаси Давлат стандарти:
    • жойлаштириш воситалари ва уларда тақдим этиладиган хизматларга доир умумий (минимал) талабларни белгилайди;
    • ташриф буюрувчиларнинг вақтинчалик яшашлари учун мўлжалланган турли хилдаги жойлаштириш воситалари ва уларда тақдим этиладиган хизматларга татбиқ этилади;
    • давлат бошқаруви органлари ваколатига кирадиган мажбурий талаблар ва жойлаштириш воситаларини сертификатлаштириш (мувофиқликни баҳолаш) вақтида қўлланиладиган талабларни белгилайди.
    1. Oʻz DSt 3296:2018“Туризм хизматлари. Меҳмонхоналар ва ўхшаш жойлаштириш воситалари. Таснифлаш тизими” Ўзбекистон Республикаси Давлат стандарти:
    • меҳмонхоналар ва ўхшаш жойлаштириш воситаларини таснифлаш (1 дан 5 юлдузгача тоифа) тизимини белгилайди.
    1. Oʻz DSt 3331:2018“Туризм хизматлари. Туризм соҳасида навигация тизимининг ахборот белгилари. Умумий талаблар” Ўзбекистон Республикаси Давлат стандарти (давлат тилида):
    • туризм соҳасидаги навигация тизимининг ахборот белгилари, шу жумладан туризм инфратузилмаси объектлари, туризм-рекреация минтақалари, туризм йўналишлари ва диққатга сазовор жойларининг белгиларига доир умумий талабларни белгилайди.
    1. Oʻz DSt 3334:2018“Туризм хизматлари. Мусулмон меҳмондўстлиги. Талаблар” Ўзбекистон Республикаси Давлат стандарти (давлат тилида):Oʻz DSt 3334:2018
    • мусулмон саёҳатчиларга жойлаштириш воситалари, туризм пакетлари ва туризм гиди хизматларини кўрсатишда туризм объектлари, маҳсулотлари ва хизматларини бошқаришга доир тавсиялар ва талабларни белгилайди;
    • Малайзиянинг МС 2610:2015 “Муслим фриендлй ҳоспиталитй сервиcес – Реқуирементс” стандартига айнан ўхшаш.
    1. Oʻz DSt 3336:2018“Туризм хизматлари. “Tourist-friendly”.Талаблар” Ўзбекистон Республикаси Давлат стандарти (давлат тилида):
    • туризм намойиши ва туризм инфратузилмаси объектлари томонидан тақдим этиладиган“tourist-friendly” хизматларига доир талабларни белгилайди;
    • истеъмолчилар талабларига жавоб берадиган туризм хизматларини етказиб беришда ўз имкониятини намойиш қилиш учун, шунингдек туризм хизматлари, жумладан меҳмондўстлик муҳитини яратган ҳолда ташриф буюрувчиларга хизмат кўрсатиш сифатини таъминлаш хизмати истеъмолчиларини қониқтиришга ҳаракат қилинганда қўлланилади.
    1. Oʻz DSt ISO 13009: 2019“Туризм хизматлари. Пляж фаолиятига доир талаблар ва тавсиялар” Ўзбекистон Республикаси Давлат стандарти (давлат тилида):
    • пляжларни бошқариш масъулияти бўйича энг яхши амалиётга асосланган изчил ёндашувни қўллаш ва таниш бўлган қарорлар қабул қилишга ёрдам беради;
    • ISO 13009:2015 “Tourism and related services – Requirements and recommendations for beach operation”халқаро стандартига айнан ўхшаш.
    1. Oʻz DSt ISO18065: 2019“Туризм хизматлари. Қўриқланадиган табиий ҳудудларнинг маъмурияти томонидан тақдим этиладиган, умумий фойдаланиш учун туризм хизматлари. Талаблар” Ўзбекистон Республикаси Давлат стандарти (давлат тилида):
    • ташриф буюрувчиларнинг эҳтиёжини қониқтириш мақсадида ва табиий қўриқланадиган ҳудудларни сақлаш устиворлигини ҳисобга олган ҳолда турли тоифадаги қўриқланадиган махсус табиий ҳудудларда бевосита тақдим этиладиган туризм хизматларига доир талабларни белгилайди;
    • ISO 18065:2015 “Tourism and related services — Tourist services for public use provided by Natural Protected Areas Authorities — Requirements” халқаро стандартига айнан ўхшаш.

Кўрсатиб ўтилган стандартларнинг талаблари қуйидагиларга йўналтирилган:

  • туризм хизматларини лойиҳалаштириш;
  • туристлар ва экскурсантларни ҳаёти ҳамда соғлиғининг хавфсизлигини таъминлаш;

  • атроф муҳитни муҳофаза қилиш;

  • яшаш шароитлари ва хизмат кўрсатиш хавфсизлиги ҳамда сифатини таъминлаш;

  • техник жиҳозланиш;
  • кўрсатилаётган хизматлар сифатининг даражаси;

  • туризм фаолияти ходимларини тайёрлаш;

  • белгиланган талаблар бажарилишини назорат қилиш ва б.