Samarqand shahrida YuNESKOning 43-Bosh konferensiyasi o‘z ishini yakunladi. Parijdan tashqarida deyarli qirq yil ichida ilk bor o‘tkazilgan mazkur forum O‘zbekistonning global gumanitar jarayonlardagi o‘rni ortib borayotganini yana bir bor namoyon qildi.
Tadbirda 190 mamlakatdan 2,8 mingga yaqin delegat — hukumat vakillari, xalqaro tashkilot rahbarlari, taʼlim, madaniyat, fan va raqamlashtirish sohasi mutaxassislari ishtirok etdi.
Konferensiyaning asosiy qarorlari
Muhokamalar natijasida YuNESKOning kelgusi yillar strategiyasini belgilaydigan bir qator tashabbuslar qabul qilindi:
-
inklyuziv taʼlimni rivojlantirish va zamonaviy texnologiyalarni o‘quv jarayoniga joriy etish;
-
Xalqaro raqamli meros institutini tashkil etish;
-
sunʼiy intellekt etikasi bo‘yicha xalqaro meʼyorlarni mustahkamlash;
-
iqlim o‘zgarishi sharoitida madaniy obyektlarni asrash bo‘yicha dasturlarni kengaytirish;
-
YuNESKO huzurida Ayollar liderligi akademiyasini tashkil etish.
O‘zbekistonning xalqaro maydondagi o‘rni
Tashkilot Samarqandning konferensiya uchun yaratgan sharoitlarini yuqori baholadi. Bu O‘zbekistonning global hamkorlikni kuchaytirish, madaniy-maʼrifiy muloqotni rivojlantirish va XXI asr gumanitar kun tartibini shakllantirishga qaratilgan saʼy-harakatlarini namoyon etdi.
Yakunlovchi majlisda ishtirokchilar O‘zbekistonga yuqori darajadagi tashkilotchilik va mehmondo‘stlik uchun bir ovozdan minnatdorlik bildirdi. «Samarqand ruhi» — ochiqlik, ishonch va o‘zaro hurmat muhiti alohida taʼkidlandi.
Tadbirning ahamiyati
Bu konferensiya YUNESKO faoliyatida yangi bosqichni boshlab berdi. Sifrlashtirish, sunʼiy intellekt etikasi, madaniy merosni muhofaza qilish va barqaror rivojlanish masalalari tashkilotning ustuvor yo‘nalishlariga aylandi. Samarqandda qabul qilingan qarorlar jahon taʼlim va madaniyat siyosatining kelgusi trayektoriyasiga taʼsir ko‘rsatishi ehtimol.
7 
