Bo'limlar

Inspeksiya nazorati bo‘limi turistik xizmatlarni sertifikatlashtirish tizimining tashkiliy-uslubiy hujjatlarini ishlab chiqish va joriy etishda ishtirok etadi, belgilangan tartibga muvofiq sertifikatlangan xizmatlarni inspeksiya nazorati bo‘yicha ishlarni amalga oshiradi. Inspeksiya nazorati natijalariga ko‘ra tegishli hujjatlar (bayonnomalar, dalolatnomalar) rasmiylashtiriladi, inspeksiya nazorati bo‘yicha hujjatlar to‘plamining to‘g‘riligi tekshiriladi.

Turistik xizmatlarni sertifikatlashtirish tizimini takomillashtirish bo‘yicha amaldagi normativ-huquqiy va protsessual hujjatlarga o‘zgartirishlar kiritish bo‘yicha takliflar kiritadi.

     Bo‘lim o‘z faoliyatini amalga oshirishda quyidagi meʼyoriy hujjatlarga amal qiladi:

O‘zbekiston Respublikasi Milliy sertifikatlashtirish tizimi va akkreditatsiya tizimining huquqiy asoslari;

O‘zbekiston Respublikasining turizm, metrologiya, standartlashtirish va sertifikatlashtirish sohasidagi qonunlari, O‘zbekiston Respublikasi Prezidenti va Hukumatining qarorlari, O‘zR SDT, O‘zR MSTning asosiy meʼyoriy hujjatlari;

xatlar, bayonnomalar, maʼlumotnomalarni tuzish tartibi va rasmiylashtirish qoidalari va umuman ish yuritish asoslari;

turistik va mehmonxona xizmatlarini inspeksiya nazoratini amalga oshirish tartibi;

sertifikatlashtirish va turizm sohasidagi meʼyoriy hujjatlar bilan ishlash ko‘nikmalari;

mehnatni muhofaza qilish, xavfsizlik choralari, ishlab chiqarish sanitariyasi va yong‘in xavfsizligi qoidalari.