Bo'limlar

Standartlashtirish bo‘limi

Standartlashtirish bo‘limi Markaz ish dasturiga muvofiq yangi standartlarni ishlab chiqadi va amaldagi standartlarni ko‘rib chiqadi. Standartlashtirish bo‘limi “Turizm xizmatlarini sertifikatlash markazi” Davlat unitar korxonasining tarkibiy bo‘linmasi hisoblanadi.

Bo‘limning asosiy vazifalari

Turizm sohasida standartlashtirish bo‘yicha normativ hujjatlarni ishlab chiqadi va joriy qiladi. Standartlarga va boshqa standartlashtirish hujjatlariga o'zgartirishlar kiritish bo'yicha takliflar tayyorlaydi. Turizm sohasida standartlashtirish bo'yicha Texnik qo'mita kotibiyatini yuritadi.

Markazning standartlashtirishga oid yillik ish rejalarini tayyorlash, zarur hollarda hukumat qarorlari, yuqori turuvchi tashkilot topshiriqlariga muvofiq ish rejasiga tegishli o‘zgartirishlar kiritish. Standartlarni ishlab chiqishda manfaatdor tomonlarning takliflarini ko‘rib chiqish.

Standartlarni ishlab chiqish, o‘zgartirishlar kiritish, qayta ko‘rib chiqish va bekor qilish bo‘yicha takliflar tayyorlash. Markaz ish dasturiga muvofiq standartlarni ishlab chiqish, ko‘rib chiqish va tasdiqlashga tayyorlash.

Sohaga oid O‘zbekiston Respublikasida amalda bo‘lgan va sohadagi Texnik qo‘mitaga biriktirilgan standartlarni tahlil qilish. O‘zbekiston Respublikasi hududida xalqaro (davlatlararo, mintaqaviy) standartlarni joriy etish va amaldagi davlat standartlarini bekor qilish bo‘yicha takliflar tayyorlash.

Turizm yo‘nalishidagi Texnik qo‘mita faoliyatini tashkil qilish. Texnik qo‘mitaga a’zo tashkilotlarning doimiy vakolatli vakillari, quyi qo‘mita (mavjud bo‘lsa), ishchi guruh yig‘ilishlarida ishtirok etadi, shuningdek bevosita o‘z tashkiloti tomonidan yuklangan funksiyalarni masofadan turib bajaradi. Texnik qo‘mita yig‘ilishini o‘tkazishni tashkil qilish.

Bo‘lim o‘z faoliyatini amalga oshirishda quyidagi normativ-huquqiy hujjatlarga amal qiladi:

O‘zbekiston Respublikasining “Turizm to‘g‘risida”gi Qonuni;

O‘zbekiston Respublikasining “Standartlashtirish to‘g‘risida”gi Qonuni;

O‘zbekiston Respublikasining “Mahsulotlar va xizmatlarni sertifikatlashtirish to‘g‘risida”gi Qonuni;

O‘zbekiston Respublikasining “Muvofiqlikni baholash to‘g‘risida”gi Qonuni;

O‘zbekiston Respublikasining “Texnik jihatdan tartibga solish to‘g‘risida”gi Qonuni.

O‘zbekiston Respublikasi Prezidenti va hukumatining turizm sohasidagi farmon va qarorlari, O‘zR DST, O‘zR MSTning asosiy normativ hujjatlari.