Bo'limlar

Sertifikatlashtirish bo‘limi “Turizm xizmatlarini sertifikatlash markazi” Davlat unitar korxonasining tarkibiy bo‘linmasi hisoblanadi

Bo‘limning asosiy vazifalari va funksiyalari

     Bo‘limning asosiy vazifalari quyidagilardan iborat:

O‘zbekiston Respublikasining “Turizm to‘g‘risida” va “Mahsulotlar va xizmatlarni sertifikatlashtirish to‘g‘risida”gi qonunlari hamda muvofiqlikni baholash sohasidagi boshqa normativ-huquqiy hujjatlar amaliy jihatdan amalga oshirilishini ta’minlash;

turizm sohasidagi xizmatlarni sertifikatlashtirishni, turistik xizmatlar belgilangan talablar muvofiqligiga sertifikatlashtirish;

turistik industriya ob’ektlarini tasniflash va ularga toifalar berish;

turizm sohasidagi xizmatlarni sertifikatlashtirishni va sertifikatlashtirish ishlarini tashkil etishda xalqaro standartlarni qo‘llash asosida xizmatlar sifati va raqobatbardoshligini oshirish sohasidagi davlat siyosatini amalga oshirishda ishtirok etish;

turizm sohasidagi xizmatlarni sertifikatlashtirishni bo‘yicha milliy sertifikatlashtirish tizimining faoliyatini va rivojlanishini hamda mazkur sohada xalqaro, davlatlararo va ilg‘or xorijiy mamlakatlarning milliy tizimlari bilan uyg‘unlashgan holda faoliyatni tashkil etish;

turizm sohasidagi xizmatlarni ko‘rsatishda xizmatlarning sifati va xavfsizlik talablariga rioya qilinishi va iste’molchilar huquqlarini muhofaza qilishga doir chora-tadbirlarni amalga oshirish;

O‘zbekiston Respublikasining Turizm va madaniy meros vazirligining hududiy bosh boshqarmalari bilan birgalikda Turizm va madaniy meros vazirligiga yuklatilgan vazifa va funksiyalarning samarali bajarilishini tashkil etish va ta’minlash.

      Bo‘lim o‘ziga yuklangan asosiy vazifalarga muvofiq quyidagi funksiyalarni amalga oshiradi:

O‘zbekiston Respublikasining Turizm va madaniy meros vazirligi tomonidan O‘zbekiston Respublikasi Prezidenti Administratsiyasiga va O‘zbekiston Respublikasi Vazirlar Mahkamasiga turizm sohasidagi xizmatlarni sertifikatlashtirish sohasidagi kiritiladigan hujjatlarning sifatli va o‘z vaqtida ishlab chiqishni tashkil etadi;

O‘zbekiston Respublikasi Vazirlar Mahkamasining 2020 yil 10 iyuldagi 433-son qarori bilan tasdiqlangan “Turistik xizmatlarni sertifikatlashtirish va turistik industriya obyektlarini tasniflash tartibi to‘g‘risida Nizom”ga muvofiq turizm sohasidagi xizmatlarni sertifikatlash ishlarini tashkillashtiradi va turistik industriya obyektlarini tasniflash va ularga toifalar beradi;

Markaz faoliyati, xususan turizm soohasidagi xizmatlarni sertifikatlashtirish bo‘yicha qonun ijodkorligi sohasidagi faoliyatini huquqiy ta'minlanishini tashkil etadi;

turizm sohasidagi xizmatlarni sertifikatlashtirishni shaffofligini ta’minlash maqsadida amaldagi qonun va qonun osti me’yoriy huquqiy hujjatlariga o‘zgartirishlar kiritish bo‘yicha takliflar kiritadi;

xorijiy tajribani o‘rgangan holda turizm sohasidagi xizmatlarni sertifikatlashtirish bo‘yicha davlat standartlarini takomillashtirish maqsadida takliflar beradi;

turizm sohasidagi sertifikatlashtirish ob’ektlarning davlat reyestrlarini yuritadi.