Baholash tartib-taomillari
Turizm xizmatlarini sertifikatlash odatda quyidagi ish turlarini oʻz ichiga oladi:
a) TXSMga sertifikatlash uchun ariza berish va uni koʻrib chiqish;
b) soʻralgan xizmat uchun NH tahlili va ariza bilan birga taqdim etilgan boshqa hujjatlar;
v) ariza boʻyicha qaror qabul qilish;
d) sertifikatlashtirish dasturini tayyorlash va tasdiqlash;
e) obyektni baholashni oʻtkazish;
f) milliy sertifikatlashtirish tizimining Davlat reyestrida (keyingi oʻrinlarda Davlat reyesti deb yuritiladi) roʻyxatdan oʻtish va bir martalik toʻlov bilan sertifikat berish;
g) sertifikatlangan xizmatni inspeksiya nazorati.
Joylashtirish vositasi, togʻ-changʻi trassalari va plyajlar majburiy sertifikatlashdan oʻtkaziladi. Turoperator xizmatlarini sertifikatlash ixtiyoriy asosda amalga oshiriladi.
Turoperatorlik xizmatlari, joylashtirish vositalari, togʻ-changʻi trassalari va plyajlar koʻrsatish bilan bogʻliq turistik faoliyatni amaldagi sertifikatsiz amalga oshirish qonun hujjatlarida belgilangan tartibda javobgarlikka sabab boʻladi.
Sertifikatlanishi lozim boʻlgan faoliyatni yanada amalga oshirish uchun sertifikat egasi sertifikatning amal qilish muddati tugashidan kamida uch oy oldin qayta sertifikatlashni oʻtkazish toʻgʻrisida ariza bilan TXSMga murojaat qiladi.
TXSM olingan materiallarni koʻrib chiqadi va tahlil qiladi hamda inspeksiya nazoratining ijobiy natijalarini hisobga olgan holda, xizmatlarni yangi muddatga sertifikatlash imkoniyati va tartib-taomillari toʻgʻrisida qaror qabul qiladi.
Ariza beruvchilar va sertifikat egalari ular tomonidan taqdim etilgan arizalarda koʻrsatilgan ma’lumotlar hamda ularga ilova qilingan hujjatlar va ma’lumotlarning toʻgʻriligi uchun javobgardirlar.
Ariza beruvchining xohishiga ko‘ra ariza beruvchining ko‘rsatilayotgan xizmatlarning normativ hujjatlar talablariga muvofiqligini tasdiqlovchi qo‘shimcha hujjatlar arizaga ilova qilinishi mumkin.
Markaz oʻz faoliyati natijasida ariza beruvchi (sertifikat egasi) toʻgʻrisidagi ma’lumotlarning maxfiyligini ta’minlaydi.
