O‘zbekiston Respublikasining Prezidentining 2020 yil 19 iyundagi “Turizm sohasini sanitariya-epidemiologik xavfsizlikning kuchaytirilgan rejimi talablariga qatʼiy rioya qilgan holda rivojlantirishga doir qo‘shimcha chora-tadbirlar to‘g‘risida”gi PQ-4755-son qarorining 1-band b-qismiga asosan, joylashtirish vositalari tomonidan, shu jumladan xalqaro bronlashtirish maydonlarida muvofiqlik belgisidan (yulduzlar) noqonuniy foydalanganlik holati mehmonxona xizmatlarini ko‘rsatish uchun berilgan sertifikatning amal qilishini qoidabuzarlikning belgilangan tartibda bartaraf etilguniga qadar to‘xtatib turish uchun asos bo‘lib hisoblanadi.
Shuningdek, O‘zbekiston Respublikasining Vazirlar Maxkamasining 2020 yil 10 iyuldagi 433-son qarori 2-ilovasi bilan tasdiqlangan “Turistik xizmatlarni sertifikatlashtirish va turistik industriya obyektlarini tasniflash tartibi to‘g‘risida Nizom”da turistik xizmatlarni sertifikatlashtirish hamda turistik industriya obyektlarini tasniflash va ularga yulduz toifalarini biriktirilishi tartibini belgilaydi.
“Sport va turizm xizmatlarini sertifikatlash markazi” DUKning o‘tkazilgan tahlillari bo‘yicha bir nechta joylashtirish vositalari shuningdek, xalqaro bronlashtirish maydonlarida muvofiqlik belgisidan farqli ekani aniqlandi.
Jumladan, Respublika bo‘yicha 20 tadan ortiq joylashtirish vositalarida muvofiqlik belgisidan (yulduzlar) noqonuniy foydalanganlik holati aniqlanib, ulardan 16 tasi bartaraf etildi, 4 tasi - Toshkent viloyati, Samarqand viloyati, Andijon viloyatidagi joylashtirish vositalari rahbarlariga “Sport va turizm xizmatlarini sertifikatlash markazi” DUK xodimlari tomonidan tushuntirish ishlari olib borildi va holat o‘zgarishsiz qolgan taqdirda muvofiqlik sertifikatining amal qilish muddati tugatilishi to‘g‘risida ogohlantirildi.
Yuqoridagilardan kelib chiqib, mehmonxonalar nomiga biriktirilgan haqiqiy bo‘lmagan qo‘shimcha yulduzlar bo‘yicha monitoring ishlari davom etmoqda.
Eslatib o‘tamiz, amaldagi qonunchilikka muvofiq mehmonxonalar va o‘xshash joylashtirish vositalariga yulduz toifasini belgilash quyidagi talablar Oʻz DSt 3296:2018. Turizm xizmatlari. Mehmonxonalar va o‘xshash joylashtirish vositalari. Tasniflash tizimi bilan belgilab qo‘yilgan.