“Turizm xizmatlarini sertifikatlashtirish markazi” davlat muassasasida xodimlarning huquqiy madaniyati va korrupsiyaga qarshi immunitetini mustahkamlash maqsadida “Korrupsiyaga qarshi kurashish, manfaatlar to‘qnashuvini oldini olish va komplaens nazorat” mavzusida o‘quv kursi tashkil etildi.
Mashg‘ulotlar davomida ishtirokchilarga korrupsiyaga qarshi kurashish sohasidagi qonunchilikdagi yangiliklar, manfaatlar to‘qnashuvini barvaqt aniqlash va oldini olish mexanizmlari, komplaens nazorat tizimining ahamiyati, shuningdek, sun’iy intellekt texnologiyalaridan foydalanishning huquqiy va axloqiy jihatlari hamda korrupsiyaviy huquqbuzarliklar uchun belgilangan javobgarlik choralari haqida batafsil ma’lumot berildi.
Darslar Institut katta o‘qituvchisi Shohjahon Jumaev va Institut o‘qituvchisi Azimjon Eshonqulov tomonidan zamonaviy va interaktiv usullarda olib borilib, tinglovchilarning mavzularni amaliy misollar orqali chuqur anglashiga alohida e’tibor qaratildi.
Kurs yakunida mashg‘ulotlarda faol ishtirok etgan tinglovchilarga Institut tomonidan nashr etilgan yuridik adabiyotlar taqdim etildi.
Mazkur o‘quv tadbiri tashkilotlar o‘rtasidagi o‘zaro hamkorlikni yanada mustahkamlash, xodimlarning huquqiy ongi va mas’uliyatini oshirish, shuningdek, nazariy bilimlarni amaliyotda samarali qo‘llash imkoniyatlarini kengaytirishga xizmat qiladi.
43 
