“Toshkent shahrida joylashgan «JW MARRIOTT HOTEL TASHKENT» mehmonxonasiga O‘zbekiston Respublikasi milliy standartlari asosida 5 yulduzli toifa berildi. Mazkur qaror «Turizm Xizmatlarini Sertifikatlashtirish Markazi» DM tomonidan tasdiqlandi.
Mutaxassislar tomonidan o‘tkazilgan baholash ishlari milliy standart — O‘z MSt 125:2024 «Turistik xizmatlar. Joylashtirish vositalari. Klassifikatsiyaning balli tasniflash tizimi» talablari asosida amalga oshirildi. Ushbu jarayonda mehmonxonaning infratuzilmasi, xizmatlar sifati, xavfsizlik choralari, mehmonlar uchun yaratilgan qulayliklar hamda boshqa ko‘rsatkichlar chuqur tahlil qilindi.
JW MARRIOTT HOTEL TASHKENT —«ALLIANCE HOLDING» MChJga qarashli bo‘lib, xalqaro mezonlarga javob beradigan zamonaviy servis, yuqori darajadagi qulayliklar va mijozlarga individual yondashuv bilan ajralib turadi.
5 yulduzli toifaning berilishi nafaqat ushbu mehmonxonaning obro‘sini oshiradi, balki Toshkent shahrining turizm salohiyatini yuksaltirish, poytaxt mehmonxona xizmatlarining raqobatbardoshligini kuchaytirish hamda xorijiy sayyohlar oqimini ko‘paytirishga xizmat qiladi. Turizm sohasi mutaxassislariga ko‘ra, bunday baholash va sertifikatlash tizimi mamlakatimizda mehmonxona biznesini yanada takomillashtirish, xizmat ko‘rsatish sifatini oshirish va xalqaro reytinglarda yuqori o‘rinlarni egallashga yo‘l ochadi.
Zamonaviy va qulay mehmonxona 149 ta nomerdan iborat bo‘lib 298 kishini qabul qilishga mo‘ljallangan. Nomerlar qulay va shiman mebel hamda inventarlar bilan jihozlangan. Barcha nomerlar 2 kishilik: standart, yarim lyuks, lyuks va presidential lyuks xonalar mavjud.
Mehmoxonada mehmonlar dam olib sogʻliqlarini tiklashlari uchun, dam olish xonasi, trenajor zali mavjud. Shuningdek mehmonxonada faoliyat yuritayotgan restoran va lounge bar mehmonlarga oʻzining mazali taomlarini taklif qiladi. Mehmonxona Wi-Fi simsiz internet tarmog‘iga ulangan.Mehmonlarga qulaylik yaratish maqsadida elektromobillar va boshqa turdagi elektrotransport uchun quvvatlash stansiyasi mavjud. Mehmonxona zamonaviy jihozlangan bo‘lib sifatli dam olish uchun barcha zarur sharoitlarga ega.
82 
