“Turizm xizmatlarini sertifikatlash markazi” DMning tegishli qaroriga binoan “SURXONDARYO” va “XORAZM” mehmonxonalari sertifikatlashtirildi. Mehmonxonalarda Markaz mutaxassislari tomonidan O‘z DSt 3220:2023 “Turizm xizmatlari. Joylashtirish vositalari. Umumiy talablar” davlat standarti talablariga muvofiq sertifikatlashtirish ishlari olib borildi.
Ushbu zamonaviy va qulay mehmonxonalar 62 ta nomerdan iborat bo‘lib 124 va 135 kishini qabul qilishga mo‘ljallangan. Nomerlar qulay va shinam mebel hamda inventarlar bilan to‘liq jihozlangan. Nomerdagi sanuzel sanitariya jihozlari, kerakli gigiyenik va yuvinish vositalari bilan ta’minlangan.
Mehmoxonalarda ishbilarmon mehmonlar va biznes vakillari uchun konferensiya va muzokara zallari, SPA zona ikki turdagi sauna va basseyn, trenajor zali, shuningdek mehmonxonada faoliyat yuritayotgan restoran va lounj bar mehmonlarga oʻzining mazali taomlari va ajoyib ichimliklarni taklif qiladi.
Mehmonxonalar Wi-Fi simsiz internet tarmog‘iga ulangan. Mehmonxonalar zamonaviy jihozlangan bo‘lib sifatli dam olish uchun barcha zarur sharoitlarga ega.
7 
