Xalqaro standartlashtirish tashkiloti (ISO) tomonidan xodimlar, xizmat ko‘rsatish, tadbirlar, ko‘ngilochar tadbirlar, xavfsizlik va muhofaza, texnik xizmat ko‘rsatish, tozalik, ta’minotni boshqarish va mehmonlarning qanoatlanishiga nisbatan mehmonxonalar uchun tavsiyalarni o‘z ichiga oluvchi ISO 22483:2020 xalqaro standarti ishlab chiqilgan bo‘lib ushbu standart respublikamizda ham amal qilishi uchun Oʻz DSt 22483:2022 davlat standarti sifatida qabul qilingan.
Mazkur davlat standarti joylashtirish vositalari tomonidan tashrif buyuruvchilarga quyidagi ma’lumotlar taqdim etilishini tavsiya etadi.
a) veb-sayt, reklama yoki broshyuralar kabi turli vositalar yordamida mavjud xizmatlar, narx va qo‘llaniladigan soliqlar (agar narxga kiritilmagan bo‘lsa) to‘g‘risida aniq ma’lumotlar;
b) bron qilingunga qadar nomerlarning har-xil turlari, narx, rad qilish siyosati, depozitlar, oldindan to‘lovlar, qabul qilingan to‘lov usullari to‘g‘risida batafsil ma’lumotlar va bronlashga oid boshqa ma’lumotlar;
с) mehmonxonaning qaysi xizmatlaridan foydalanish mumkinligini aniqlashtirishi va mehmon so‘roviga ko‘ra zarur ma’lumotlarni taqdim qilishi kerak. Ushbu ma’lumot veb-sayt orqali berilishi kerak;
d) tez va aniq munosabat bildirish kerak, agar imkoni bo‘lsa mehmon bilan raqamli kanallar orqali to‘g‘ridan-to‘g‘ri aloqa qilish kerak;
e) boshqa muhim ma’lumotlar (masalan, chekishga, uy hayvonlariga oid va boshqalar).
Ushbu davlat standarti bilan tourquality.uz sayti orqali tanishishingiz mumkin.
82 
