Oktabr oyida Gonkongda bo‘lib o‘tgan World Travel Awards Asia & Oceania 2025 marosimida Vyetnam rasman «Asia’s Leading Destination 2025» — ya’ni Osiyoning eng yaxshi turistik yo‘nalishi deb e’lon qilindi.
World Travel Awards (WTA) — bu turizm, sayohat va mehmondo‘stlik sohasidagi eng yirik yutuqlarni e’tirof etuvchi global dastur bo‘lib, u 1993 yildan beri faoliyat yuritib kelmoqda. Nominatsiyalar va ovoz berish jarayoni mintaqalar hamda toifalar bo‘yicha (agentliklar, turoperatorlar, yo‘nalishlar, mehmonxonalar va boshqalar) amalga oshiriladi.
Bu mamlakatning mazkur toifadagi yettinchi g‘alabasi bo‘lib, Vyetnamning Osiyodagi yetakchi turistik markaz sifatidagi barqaror o‘sishi va nufuzini yana bir bor tasdiqlaydi.
Tashkilotchilar mamlakatning tabiiy go‘zalligi, madaniy merosi va mehmondo‘stligini Vyetnamning o‘ziga xos jozibasi sifatida e’tirof etdilar. Muhim omillar qatorida infratuzilmaning rivojlanishi, xizmat ko‘rsatish sifati oshgani, shuningdek, xorijiy sayyohlar sonining ortgani — ayniqsa, Xitoy, Janubiy Koreya va AQShdan kelayotgan sayyohlar oqimi — alohida ta’kidlandi.
Bundan tashqari, Vyetnam «Asia’s Leading Heritage Destination 2025» mukofotiga ham sazovor bo‘lib, bu mamlakatning tarixiy va madaniy merosni asrashga bo‘lgan e’tiborini yana bir bor ko‘rsatdi.
28 
