Farg‘onadan 55 km uzoqlikdagi baland tog‘li hududda Shohimardon shahri bor. U Oloy tizmasi togʻlari orasida dengiz sathidan 1550 m balandlikda joylashgan. Shohimardonni ikki tomondan Oqsuv va Koʻksuv soylari yuvib, bir daryoga – Shohimardon-soyga birlashadi. Shohimardon aholi punkti hududi juda kichik - 90 kv km. Bu yerda 5000 ga yaqin aholi istiqomat qiladi. Farg‘onadan ketayotib, qishloqning o‘ziga yetib borish uchun Shohimardon-soydan yetti marta o‘tish kerak.
Salqin havo, shiddatli daryolar va togʻli koʻllar bu hududni dam olish va sayohat qilish uchun ajoyib joyga aylantiradi. Shohimardondan yetti kilometr narida tabiat mo‘’jizasi – moviy Qurbonkoʻl mavjud. Koʻl dengiz sathidan 1724 m balandlikda joylashgan. Koʻlning uzunligi 170 m, kengligi esa 60 m. Eng toza va tiniq suvga ega ajoyib koʻl Oloy tizmasi togʻlarining oʻrtasida joylashgan. Qurbonkoʻl 1766-yilda kuchli zilzilalar natijasida vujudga kelgan. Yozda suv harorati 10-15 daraja issiqgacha koʻtariladi. Ushbu tabiiy moʻ’jizaga atrofdagi togʻlarning hayratlanarli manzaralarini taqdim etadigan ikki kilometrlik osma dor yoʻli orqali yetish mumkin.
Shohimardon ideal shifobaxsh togʻ iqlimiga ega boʻlib, u butun tana salomatligini tiklash uchun ham, nafas olish tizimini davolash uchun ham mos keladi. Bu yerga nafaqat O‘zbekistonliklar, balki xorijliklar ham musaffo tabiat qo‘ynida go‘zal tog‘ manzaralaridan bahramand bo‘lish uchun kelishadi. Mahalliy aholi ko‘l va unumdor yerlar tozaligi haqida qattiq qayg‘uradi. Atrof-muhitga ehtiyotkorlik bilan munosabatda boʻlish tufayli betakror, musaffo tabiat saqlanib kelmoqda.
82 
