Maldiv orollari dunyodagi eng go‘zal dam olish maskanlaridan biri hisoblanadi. Bu yerda joylashgan “The Muraka” mehmonxonasi esa turizm tarixidagi eng noodatiy va hashamatli loyihalardan biridir.
“The Muraka” nomi maldiv tilidan (dhivehi) tarjima qilinganda “marjon” yoki “marjon toshi” (ya’ni coral) degan ma’noni anglatadi. “The Muraka” — “Marjon” mehmonxonasi yoki “Marjon toshi” mehmonxonasi degan ma’noda ishlatiladi. Bu nom bejiz tanlanmagan, chunki mehmonxonaning suv ostidagi qismi marjon riflari orasida joylashgan va uning g‘oyasi aynan okean hayoti va marjonlarning go‘zalligini aks ettirishga qaratilgan.
U dunyoda birinchi bo‘lib ikki qavatli — suv usti va suv osti apartamentlardan tashkil topgan yuqori qavat — suv ustida joylashgan hashamatli villa, pastki qavat esa — suv ostidagi yotoqxona. “The Muraka” mehmonxonasi Conrad Maldives Rangali Island kurorti tarkibiga kiradi. Mehmonxona 2018-yilda foydalanishga topshirilgan bo‘lib, u mehmonlarga o‘zini haqiqiy okean ostida yashayotgandek his qilish imkonini beradi. Uning suv ostidagi qismi 5 metr chuqurlikda, maxsus shaffof akril devorlar bilan o‘ralgan bo‘lib, mehmonlar marjon riflari va tropik baliqlarning tabiiy go‘zalligidan bevosita bahramand bo‘lishadi.
7 
