Vazirlar Mahkamasining 2020 yil 10 iyuldagi “O‘zbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari to‘g‘risida”gi 433-son qarori bilan “O‘zbekiston Respublikasi hududida joylashtirish bo‘yicha xizmatlarni ko‘rsatish tartibi to‘g‘risida Nizom tasdiqlangan.
Mazkur Nizomda:
-
mehmonxona xizmatlariga, shu jumladan, ularning hajmi va sifatiga doir talablar, qonunchilik hujjatlarida boshqa talablar nazarda tutilmagan bo‘lsa, bajaruvchi va tashrif buyuruvchi (buyurtmachi)ning kelishuviga binoan ko‘rsatilishi;
-
-
nomer (joy) narxi bajaruvchi tomonidan mustaqil o‘rnatilishi;
- mehmonxona xizmatlari doimiy yashash joyi, fuqarolik, jismoniy shaxslarning qarindoshlik va nikoh munosabatlari, shuningdek, shaxsiy hayot huquqini cheklovchi boshqa omillardan qat'i nazar hamda ushbu Nizom talablariga zid bo‘lmagan, joylashtirish vositasida mehmonxona xizmatlarini ko‘rsatish va ulardan foydalanishning ichki qoidalariga ko‘ra ko‘rsatilishi lozimligi belgilangan.
Shuningdek joylashtirish vositasiga tashrif buyuruvchining kelish vaqtidan boshlab va uning ketishigacha bo‘lgan muddatda u band qilgan nomerga (joyga) turar-joy daxlsizligi to‘g‘risidagi qonunchilik hujjatlari normalari tatbiq etilishi kerak.
Nizomda tashrif buyuruvchiga mehmonxona xizmatlarini taqdim qiluvchi tadbirkorlik sub'ekti (bajaruvchi) tomonidan taqdim etiladigan mehmonxona xizmatlari to‘g‘risida qanday ma'lumotlar ko‘rsatish kerakligi, mehmonxona xizmatlarini taqdim etish tartibi va shartlari hamda bajaruvchi tashrif buyuruvchining javobgarligi to‘g‘risida tegishli normalar berilgan.
Nizom to‘g‘risida batafsil https://lex.uz/docs/4930291#4935905 havola orqali tanishib chiqishingiz mumkin.
85 
