“Turizm mahallasi”, “Turizm qishlog‘i” va “Turizm ovuli” maqomini berish tartibi

“Turizm mahallasi”, “Turizm qishlog‘i” va “Turizm ovuli” — fuqarolar yig‘inlari hududining mavjud tabiy, tarixiy-madaniy resurslari va xususiyatlari asosida turistik xizmatlar (turistik mahsulotlar) majmui shakllangan va ushbu hududga taqdim etiladigan maqom. Ushbu maqom berish tartibi O‘zbekiston Respublikasi Vazirlar Mahkamasining 2020-yil 10-iyuldagi 433-son qaroriga 8-ilova Fuqarolar yig‘inlariga “Turizm mahallasi”, “Turizm qishlog‘i” va “Turizm ovuli” maqomini berish tartibi to‘g‘risida Nizom asosida amalga oshiriladi.

            Fuqarolar yig‘iniga turizm mahallasi maqomini berishdan asosiy maqsadlar quyidagilar hisoblanadi:

·         fuqarolar yig‘inida azaldan saqlanib qolgan moddiy va madaniy merosini, urf-odatlari va turmush tarzini saqlash, ilgari surish va targ‘ib qilish;

·         xorijiy va mahalliy turistlarni keng jalb qilish;

·         turizmni barqaror rivojlantirish;

·         turistlar uchun qulay shart-sharoitlar yaratish;

·         mahalliy aholining madaniyati va an’analarini ommalashtirish;

·         turizm mahallasining ekologiyasini hamda tabiiy boyliklarini asrash va yaxshilash;

·         fuqaralor yig‘ini hududida istiqomat qiluvchi fuqarolarning ijtimoiy-iqtisodiy holatini yaxshilash;

·         fuqarolar yig‘ini hududida yangi ish o‘rinlarini yaratish;

·         doimiy ravishda turizm xizmatlari sifatini belgilangan talablarga muvofiqlashtirish;

·         turizm xizmatlarini ko‘rsatishda qonun talablariga rioya qilish.

            Fuqarolar yig‘ini turizm mahallasi maqomini olishi uchun qo‘yiladigan talablar va shartlar quyidagicha:

a)      fuqarolar yig‘ini hududida xorijiy va mahalliy turistlarni qabul qilish uchun kamida 20 ta oilaviy mehmon uylarining mavjudligi;

b)      fuqarolar yig‘ini hududida turistlarga kamida 5 ta sifatli turistik xizmatlarni taqdim etish (turar joy va (yoki) ovqatlanish xizmatlaridan tashqari);

c)     fuqarolar yig‘ini hududida mahalliy ishlab chiqarilayotgan esdalik sovg‘alari mahsulotlarini (kamida bitta savdo nuqtasi) sotish shoxobchalarini tashkil etish;

d)      fuqarolar yig‘ini hududida turizmning quyidagi turlaridan birini tashkillashtirish:

e)      ekologik (geoturizm);

f)       agroturizm (qishloq);

g)      etnografik;

h)      madaniy va tarixiy;

i)       fuqarolar yig‘ini hududida turistik ko‘rgazma obyektlarining mavjudligi;

j)       fuqarolar yig‘ini hududida turistlar (ekskursantlar) xavfsizligini ta’minlash;

k)      yo) turistlar uchun yaratilgan qo‘shimcha ko‘ngil ochar shart-sharoitlar (otlar, tuyalar, velosipedlar, kvadratsikllar, qayiqlar, katamaranlar va boshqalar ijarasi);

l)      turizm to‘g‘risidagi normativ hujjatlarga majburiy rioya qilish;

m)    zarur infratuzilmaning mavjudligi (avtomobil yo‘llari, transport aloqasi, aloqa vositalari, ichimlik suvi, elektr energiyasi, Internet, sovuq mavsumda isitish tizimi);

n)      hududda kuzatilishi mumkin bo‘lgan tabiiy hodisalar va xavfli hududlar to‘g‘risida ma’lumotlarning mavjudligi;

o)      yil davomida turizm xizmatlarini ko‘rsatish imkoniyatining mavjudligi;

p)      zarur ko‘rsatkichlarni o‘zbek, rus va ingliz tillarida mavjudligi;

q)      birinchi tibbiy yordam ko‘rsatish imkoniyatining mavjudligi;

r)       bosma shaklda turistik obyektlarni joylashish joylari xaritasi mavjudligi;

s)      tashrif buyurishdan oldin turistlar tomonidan oilaviy mehmon uylari uchun joylarni bron qilish va fuqarolar yig‘ini hududida ko‘rsatiladigan turistik xizmatlarga buyurtma berish imkoniyatining mavjudligi;

t)       fuqarolar yig‘ini to‘g‘risidabarcha uchun qulay joyida ma’lumot materiallari (varaqalar, bukletlar, risolalar, xaritalar va boshqalar) mavjudligi.