Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi qoshidagi STQ 4 “Turizm sohasida standartlashtirish” texnik qo‘mitasi tomonidan O‘zMSt 189:2024 “Turizm xizmatlari. Modulli mehmonxonalar. Tasniflash tizimi” milliy standarti ishlab chiqildi. Mazkur milliy standart O‘zbekiston standartlar institutining 2024-yil 19-iyundagi 20/MSt-son buyrug‘i bilan davlat ro‘yxatiga olindi. Ushbu standart dastlabki amalga kiritilmoqda.
O‘zMSt 189:2024 milliy standarti modulli mehmonxonalarni tasniflash tizimini belgilaydi.
Modulli mehmonxonalarni toifalar bo‘yicha tasniflash quyidagilarga doir talablar majmuiga asoslangan:
-
binolar va unga tutash hudud;
-
-
texnik jihozlar va asbob-uskunalar;
-
-
nomerlarning sanitar-gigiyenik jihozlanganligi;
-
-
nomerlarning texnik jihozlanganligi;
-
-
nomerlarni mebel va inventar bilan jihozlanganligi;
-
-
umumiy foydalanish uchun sanitariya obyektlari;
-
-
jamoat joylari;
-
-
xizmatlar;
-
-
ovqatlanish xizmatlari;
-
-
xodimlar va ularning tayyorgarligiga doir talablar.
Toifalar rim raqami bilan belgilanadi va uchta «I», «II», va «III» toifa bo‘yicha tasniflanadi. Eng yuqori toifa «I» (birinchi), eng past «III» (uchinchi) toifa hisoblanadi.
Mazkur milliy standart joriy yilning 19-avgust sanasidan amalga joriy etiladi. Standart bilan quyidagi havola orqali tanishish mumkin: https://tourquality.uz/upload/iblock/2e2/28jxx4pal0ciew4028d373b2yzxhhg8p.pdf
82 
