O‘zbekiston Respublikasi Vazirlar Mahkamasi huzuridagi O‘zbekiston Texnik jihatdan tartibga solish agentligi va Germaniya Fizika-texnika instituti (PTB) o‘rtasidagi “O‘zbekiston milliy sifat infratuzilmasini isloh qilishni qo‘llab-quvvatlash” loyihasi doirasida 2025-yil 22–23-aprel kunlari O‘zbekiston Standartlar institutida standartlashtirish bo‘yicha texnik qo‘mitalar (STQ) a’zolari uchun Germaniya Standartlashtirish instituti (DIN) ekspertlari ishtirokida seminar-trening o‘tkazildi.
Seminar-treningdan ko‘zlangan asosiy maqsad — ISO/IEC talablariga muvofiq “oyna” texnik qo‘mitalarni shakllantirish, ularning faoliyatini samarali yo‘lga qo‘yish, ISO hujjatlar aylanmasida raqamli texnologiyalardan foydalanish, xalqaro hamkorlikni rivojlantirishdan iborat.
Shu munosabat bilan, Turizm qoʻmitasi qoshidagi STQ 9 “Turizm sohasidagi standartlashtirish bo‘yicha texnik qoʻmita” a’zolari ham seminar-treningda faol ishtirok etdilar. Seminar-trening DIN mutaxassislari Sabrina Mann va Amelie Buss tomonidan olib borildi.
Tadbir davomida O‘zbekistonning milliy Texnik qo‘mitalar yig‘ilishida ishtirok etishi, amaldagi Texnik qo‘mita tuzilmasini baholash kabi mavzular atroflicha yoritib berildi. Ishtirokchilar faoliyat samaradorligini baholash hamda kamchiliklar va imkoniyatlarni aniqlash maqsadida fikr almashishdi. Seminar-trening yakunida ishtirokchilarga sertifikatlar topshirildi.
28 
