Joriy yilning 7-9 avgust kunlari O‘zbekiston texnik jihatdan tartibga solish agentligi va Germaniya fizika-texnika instituti tomonidan Standartlashtirish bo‘yicha xalqaro tashkilotning (ISO) texnik qo‘mitalarida ishlash bo‘yicha trening tashkil etildi.
Ma’lumot uchun: Standartlashtirish boʻyicha texnik qoʻmita - bu belgilangan standartlashtirish obyektlari yoki faoliyat sohalari uchun standartlarni ishlab chiqish va davlat texnik jihatdan tartibga solish tizimini yaratishda ishtirok etish uchun manfaatdor tashkilotlar va organlar oʻrtasidagi hamkorlik shakli.
Trening o‘tkazishdan maqsad milliy texnik qo‘mita vakillariga ISO qoidalarini yetkazish, texnik qo‘mitaning raisi, kotibi va boshqa a’zolarining vazifalarini aniqlash, ISO vositalari va undagi jarayonlarni o‘rganish, samarali muzokaralar o‘tkazish va savollarga javob berishdan iborat.
Treningda O‘zbekiston texnik jihatdan tartibga solish agentligi, O‘zbekiston standartlar instituti mas’ullari, mamlakatimizda tashkil etilgan texnik qo‘mitalar a’zolari, shu jumladan Turizm qo‘mitasida faoliyat yuritadigan STQ 4 “Turizm sohasida standartlashtirish” texnik qo‘mitasi a’zolari ham faol ishtirok etdilar. Treninglar Germaniya fizika-texnika institutining ekspertlari Amelie Buss va Sabrina Mann tomonidan olib borildi. Trening baxs munozaralarga boy bo‘lib soha vakillari o‘zlarini qiziqtirgan savollarga javob oldilar.
82 
