So‘nggi vaqtlarda respublikamizda turizm yo‘nalishiga qo‘shimcha investitsiyalarni jalb qilish, xususiy sektor uchun qulay shart-sharoitlar yaratish orqali turizm infratuzilmasini yanada takomillashtirish, aholi bandligini oshirish, transport qatnovi yo‘nalishlarini kengaytirish, respublikaning turistik salohiyatini ichki va tashqi bozorlarda targ‘ib qilishni jadallashtirish, shuningdek, sohani davlat tomonidan boshqarishda yangi tartib-taomillarni joriy qilish maqsadida bir qancha hujjatlar qabul qilindi.
O‘zbekiston Respublikasi Prezidentining 2023-yil 27-iyuldagi PQ-238-sonli “Turizm yo‘nalishidagi islohotlarni yanada jadallashtirish va sohada davlat boshqaruvi tizimini samarali tashkil qilish chora-tadbirlari to‘g‘risida” qarori shular jumlasidandir.
Shuningdek, O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligining 2023-yil 7-iyuldagi 05-1559-son buyrug‘iga binoan Oʻz DSt 3220:2023 “Turizm xizmatlari. Joylashtirish vositalari. Umumiy talablar” davlat standarti (Oʻzbekiston Respublikasi Adliya vazirligi tomonidan 2023-yil 9-avgustda 195-son bilan hisobga olingan) tasdiqlandi. Standart joriy yilning 11-noyabridan amalga joriy etiladi.
“Turizm xizmatlarini sertifikatlash markazi” DUK xodimlarini yuqorida qayd etilgan yangi hujjatlar bilan tanishtirish maqsadida texnik o‘qish o‘tkazildi. Texnik o‘qish davomida turizm sohsida faoliyat yuritayotgan tadbirkorlik subyektlari uchun ajratilayotgan subsidiyalar va imtiyozlar haqida tushuncha berildi. Shu bilan birga yangi tahrirdagi Oʻz DSt 3220 davlat standartida qo‘yilgan talablar atroflicha o‘rganib chiqildi. Mazkur texnik o‘qishdan ko‘zlangan asosiy maqsad Markaz xodimlarini bilim va ko‘nikmalarini doimiy ravishda oshirishdan iborat.
82 
