Toshkentda shahrida yangi besh yulduzli “Intercontinental Tashkent” mehmonxonasi foydalanishga topshirildi. Mamlakatimizdagi besh yulduz toifasiga ega bo‘lgan 3 chi mehmonxona hisoblanadi.
Mehmonxona 17 qavatdan iborat bo‘lib, 216 ta nomer, restoran, yopiq suv havzasi, 150 м2 li trenajor zal, konferens zal, imkoniyati cheklanganlar uchun nomer, 2 ta prezident nomer, 10 ta lyuks nomer va boshqa toifadagi nomerlar hamda jami 267 ta o‘rin mavjud.
Mehmonxonada mehmonlar 24 soat xona xizmatidan foydalanishi bepul Wi-Fi, fitnes markazi va sauna, shuningdek, terasli spa va sog‘lomlashtirish markazidan foydalanishlari mumkin.
Aytish joizki, mehmonxona alakart yoki amerikacha nonushta qilish imkonini beradi shuningdek, yunoncha, O‘rta yer dengiziga oid, Steakhouse restoranlari xizmat ko‘rsatadi, u yerda vegetarian taomlariga buyurtma berish mumkin.
Shu bilan birga, nozik didli xorijlik va mahalliy sayyohlarning barcha xohish va istaklari inobatga olinib, ularga turli sayohatlar uyushtirish uchun mikroavtobus, avtoturargohlar tashkil etilgan.
“Turizm xizmatlarini sertifikatlash markazi” DUK mutaxassislari tomonidan “Intercontinental Tashkent” nomli besh yulduzli mehmonxonaga O‘zbekiston Respublikasi Vazirlar Mahkamasining 2020 yil 10 iyuldagi 433-sonli qarori bilan tasdiqlangan “Turistik xizmatlarni sertifikatlashtirish va turistik industriya obyektlarini tasniflash tartibi to‘g‘risida”gi Nizomga asosan muvofiqlik sertifikati taqdim qilingan.
36 
