Xalqaro standartlashtirish tashkiloti (ISO) tomonidan xodimlar, xizmat ko‘rsatish, tadbirlar, ko‘ngilochar tadbirlar, xavfsizlik va muhofaza, texnik xizmat ko‘rsatish, tozalik, ta’minotni boshqarish va mehmonlarning qanoatlanishiga nisbatan mehmonxonalar uchun tavsiyalarni o‘z ichiga oluvchi ISO 22483:2020 xalqaro standarti ishlab chiqilgan bo‘lib ushbu standart respublikamizda ham amal qilishi uchun Oʻz DSt 22483:2022 davlat standarti sifatida qabul qilingan.
Mazkur davlat standartida joylashtirish vositalarining ro‘yhatga olish ustunida ko‘rsatiladigan xizmatlar bo‘yicha quyidagilar tavsiya etadi.
a) ro‘yxatga olish ustuni xodimlari eng kamida mahalliy tilda va mehmonxonaning maqsadli bozoridan kelib chiqib eng maqbul tillarda gaplashish imkoniyatiga ega bo‘lishi kerak;
b) mehmonxona xushmuomalalik qoidalarini, shuningdek telefonda gaplashish bayonnomasini (tezkor yordam, telefon orqali mehmonxona va xodimlarni identifikatsiya qilish va qo‘ng‘iroqlarni tiklash) belgilab olishi va ularga rioya qilishi kerak;
с) ro‘yxatga olish ustuni xodimlari mehmonxonani, shu jumladan barcha obyektlar va xizmatlarning joylashgan joyini, ulardan foydalanishning o‘ziga xosliklarini, xususan nomerlarning tavsiflarini yaxshi bilishi kerak;
d) ro‘yxatga olish ustuni xodimlari manzillar to‘g‘risida ma’lumot taqdim qilishi va xizmatlarni tegishli tarzda tashkillashtirishi kerak;
e) agar mehmonxonada valyuta almashtirish xizmati taklif qilinsa unga ruxsat olingan bo‘lishi (agar talab etilsa) va mehmonlarga valyuta almashtirish kurslari to‘g‘risida ma’lumot berilishi kerak. Almashtirish turi ko‘rsatib o‘tilgan kvitansiyalar mehmonga berilishi kerak;
f) tabriklar, shikoyatlar va takliflar yozilgan xabarlar to‘planishi va javob qaytarish yoki boshqa harakatlarni amalga oshirish uchun qayta ishlanishi kerak. Shikoyatlarni og‘zaki va yozma shakllarda qabul qilish imkoniyati yaratilgan bo‘lishi kerak.
g) agar mehmonxonada ro‘yxatga olish ustuni kunu-tun faoliyat yuritmasa ro‘yxatga olish ustuni xodimi va mehmon o‘rtasida aloqa tizimi bo‘lishi kerak (masalan, nomerda/umumiy foydalanish joyida telefon tizimi);
h) xavfsizlik tartib-taomillari ro‘yxatga olish ustuni xizmati tomonidan (masalan, karta-kalit nusxasini tayyorlash vaqtida mehmon shaxsini tekshirish) bajarilishi kerak.
Ushbu davlat standarti bilan tourquality.uz sayti orqali tanishishingiz mumkin.
82 
