Menejment tizimini sertifikatlashtirish quyidagi bosqichlarni oʻz ichiga oladi:
-
birlamchi 2 bosqichli audit;
-
-
rejalashtirilgan nazorat protseduralari;
-
-
menejment tizimini qayta sertifikatlashtirish auditi.
Menejment tizimini qayta sertifikatlashtirish - bu menejmenti tizimining tanlangan standart talablariga muvofiqligini tekshirishdir. Qayta sertifikatlashtirish ilgari olingan sertifikatning amal qilish muddatini uzaytirish uchun zarurdir.
Qayta sertifikatlashtirish auditining maqsadi umuman menejment tizimining muvofiqligi va samaradorligini, shuningdek, sertifikatlashtirish sohasidagi doimiy yaroqliligini tasdiqlash hisoblanadi. Qayta sertifikatlashtirish auditini oʻtkazish uchun sertifikatlangan mijozning arizasi asos boʻladi.
Qayta sertifikatlashtirish auditi menejment tizimi yoki boshqa me’yoriy hujjat uchun tegishli standartning barcha talablarining doimiy bajarilishini baholash uchun rejalashtiriladi va oʻtkaziladi. Berilgan sertifikatning amal qilish muddati tugagunga qadar, sertifikatlashtirishni oʻz vaqtida yangilashni ta’minlash uchun tegishli muddatda rejalashtirilishi va amalga oshirilishi kerak.
Qayta sertifikatlashtirish auditi quyidagi baholashlarni oʻz ichiga oladi:
- umuman, ichki va tashqi oʻzgarishlarni hisobga olgan holda menejment tizimining samaradorligi, shuningdek uning sertifikatlash sohasidagi ahamiyati va maqsadga muvofiqligi;
- tashkilotning ish faoliyatini yaxshilash uchun samaradorlikni saqlash va menejment tizimini takomillashtirish boʻyicha majburiyatning bajarilishini namoyish etish;
- menejment tizimining siyosat va sertifikatlangan mijoz rejalashtirgan tegishli tizimning maqsadlariga erishish nuqtayi nazaridan samaradorligi.
Qayta sertifikatlashtirish auditi natijalari va xulosalari belgilangan shakldagi hisobot shaklida rasmiylashtiriladi. Sertifikatlashtirish organi menejment tizimini qayta sertifikatlashtirish natijalari boʻyicha qabul qilingan qaror asosida sertifikat beradi. Avvalgi sertifikatning amal qilishi bekor qilinadi. Tashkilot bekor qilingan sertifikatni sertifikatlashtirish organiga topshiradi.