Mamlakatning turizm sohasini rivojlantirishning asosiy omillaridan biri – joylashtirish vositalarining mavjudligidir. Shuningdek ularning rang-barangligi ham muhimdir. Hozirgi kunda mamlakatimizda joylashtirish vositasining turli xillari joylashtirish xizmatini ko‘rsatadi. O‘zbekiston Respublikasi Prezidenti rahbarligida «Hududlarda turizm infratuzilmasini yaxshilash va xorijiy turistlar oqimini yanada ko‘paytirish chora-tadbirlari to‘g‘risida»gi kengaytirilgan tarzda o‘tkazilgan videoselektor yig‘ilishida sanatoriylarga yulduz toifasini berish topshirig‘i belgilangan.
«Turizm xizmatlarini sertifikatlash markazi» DUKning 2025-yil 15-apreldagi 44/1-son qaroriga muvofiq «CHINOBOD PLAZA SANATORIYSI» MChJning «CHINOBOD PLAZA» sanatoriysiga Oʻz MSt 125:2024 milliy standarti talablariga muvofiq 5 yulduz toifasi berildi.
Nomer fondi 72 ta nomerdan iborat bo‘lib 144 ta tashrif buyuruvchini qabul qila oladi. Sanatoriy turli kasalliklardan sog‘liqni tiklash bo‘yicha o‘z xizmatlarini taklif qiladi. Bu yerda siz mineral suv, kardiologiya, endokrinologiya, nevrologiya, gastroenterologiya va boshqa tor doiradagi ixtisosliklar bo‘yicha davolash kurslarini olishingiz mumkin.
Shuningdek sanatoriyda restoran, konferens-zal, yopiq basseyn, sauna, sport zali, katta Congress Hall faoliyat yuritadi. Hovlida yashil daraxtlar va manzarali o‘simliklarga boy bo‘lgan yozgi bog‘ mavjud.
«CHINOBOD PLAZA» sanatoriysi quyidagi manzilda joylashgan: Toshkent shahar, Yunusobod tumani, Chinobod ko‘chasi 88a-uy.
30 
