O‘z DSt ISO 22000:2019 - oziq-ovqat xavfsizligini boshqarish tizimlariga qo‘yiladigan talablarni belgilaydigan standart bo‘lib, oziq-ovqat ta’minoti zanjiri ishtirokchisi bo‘lgan har qanday tashkilot uchun qo‘llaniladi, standart korxonaga yuqori sifatli va xavfsiz mahsulotlar ishlab chiqarish imkoniyatini beradi, shu bilan birga, iste’molchilar ishlab chiqaruvchining oziq-ovqat xavfsizligi talablari uchun mas’ul ekanligining yaqqol tasdig‘ini ko‘radilar.
Shu munosabat bilan “Turizm xizmatlarini sertifikatlash markazi” DUK tarkibidagi menejment tizimlarini sertifikatlashtirish organi tomonidan Samarqand viloyatida joylashgan “Samarkand Touristic Centre” MChJning “Seasons”,
“El Sabor”, “Sky Bar”, “Yi Palace”, “Li Bai”, “Food Drink”, “Khamsa», “Marakand”, “Sumalak”, “Buston”, “Ayvon”, “Afrosiyob”, “Buyuk Samarkand”, “Rubaiy”, “Manzara”, “Rohat” restoranlariga O‘z DSt ISO 22000:2019 standarti boʻyicha muvofiqlik sertifikatlari berildi. Yuqori rahbariyat va xodimlar, xususan, sertifikatlashtirish ishlari boʻyicha mas’ul, “Brendlash va sertifikatlashtirish” boʻlimi boshligʻi Mamasadikov Behruz va bosh mutaxassis Axmedov Umid, sertifikatlashtirish auditidan muvaffaqiyatli oʻtib, yuqori sifat va xalqaro standartga muvofiqligini namoyish etdilar.
Korxonalarda standartni joriy etish va sertifikatlash orqali iste’molchilar sotib olingan mahsulotlarning sifati va xavfsizligiga ishonch hosil qilishadi, ishlab chiqaruvchilar esa oziq - ovqat xavfsizligi bo‘yicha eng yaxshi xalqaro tajribani amalda qo‘llash imkoniyatiga ega bo‘ladilar.