O‘zbekistonning madaniy va ishbilarmonlik markazi bo‘lgan Toshkent zamonaviy san'at ixlosmandlari uchun muhim maskanga aylanishi maqsad qilingan yangi art-maydon bilan boyidi. Bu yangi joy Artera Studio deb nomlanadi.
Yangi art-markaz poytaxt aholisi hamda mamlakatimizdagi zamonaviy san'at tendentsiyalariga qiziquvchi mehmonlar uchun muhim madaniy yo‘naltiruvchi nuqtaga aylanishi kutilmoqda.
Joriy yil 20 aprel kuni Artera Studio o‘zining ilk “Eski shahar” deb nomlangan ko‘rgazmasini ochdi. Unda O‘zbekistonning taniqli rassomlari — Dilorom Mamedova, Dilmurod Yuldashev va Abduhaqim Karimovning asarlari namoyish etildi. Unda Turizm xizmatlarini sertifikatlash markazi vakillari ham ishtirok etishdi.
Ekspozitsiya milliy san'at an'analari va zamonaviy ijodiy yondashuvning nozik uyg‘unligini aks ettiruvchi asarlarni birlashtiradi. Ko‘rgazmaga kirish esa bepul.
Artera Studio allaqachon o‘zini Toshkentning madaniy xaritasidagi yangi va muhim nom sifatida namoyon qilmoqda. “Eski shahar” ko‘rgazmasiga tashrif buyurish — O‘zbekiston zamonaviy san'ati bilan yaqindan tanishish va uning badiiy qiyofasining yangi qirralarini kashf etish uchun ajoyib imkoniyatdir.
30 
