O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi tomonidan 2025-yil 26-sentabrda qabul qilingan 331-AF-sonli buyruqqa asosan “Turizm xizmatlarini sertifikatlash markazi” DUKning tashkiliy-huquqiy shakli o‘zgartirildi.
Muassasa 2025-yil 16-oktabrda Adliya vazirligi tomonidan davlat ro‘yxatidan o‘tkazilib 5332776-sonli guvohnoma berildi.
Yangi tashkilot maqomi
Endilikda tashkilot “Turizm xizmatlarini sertifikatlash markazi” davlat muassasasi sifatida faoliyat yuritadi. Muassasaning to‘liq rasmiy nomi:
“O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi huzuridagi ‘Turizm xizmatlarini sertifikatlash markazi’ davlat muassasasi”, qisqacha nomi esa – “Turizm xizmatlarini sertifikatlash markazi” DM deb belgilandi.
Manzil: 100015, Toshkent shahri, Oybek ko‘chasi, 18-uy.
Faoliyatdagi o‘zgarishlar
Yangi tashkiliy-huquqiy maqomga muvofiq:
• Barcha moliyaviy va huquqiy hujjatlar, shartnomalar, muhr va shtamplar yangilanadi;
• Davlat xizmatlari markazlari, banklar va boshqa tashkilotlar yangi nom haqida xabardor qilinadi;
• Muassasaning ustavi hamda tashkiliy tuzilmasi qayta tasdiqlandi.
Maqsad va vazifalar
“Turizm xizmatlarini sertifikatlash markazi” davlat muassasasi turizm sohasidagi xizmatlar sifatini oshirish, ularni xalqaro standartlarga mos ravishda sertifikatlash va turizm infratuzilmasining barqaror rivojlanishiga ko‘maklashish vazifalarini bajaradi.
7 
