Xalqaro turizm akademiyasi O‘zbekiston Respublikasi Vazirlar Mahkamasi qaroriga asosan 2023-yil oktabr oyida Samarqand shahrida tashkil etilgan. Butunjahon turizm tashkiloti bilan hamkorlikdagi dunyodagi ilk akademiya bo‘lib, turizm sohasidagi kadrlarni malakasini oshirish va qayta tayyorlash bo‘yicha mamlakatimizni mintaqada xabga aylantiruvchi muassasa hisoblanadi.
Akademiyaga sohadagi ilg‘or tajribaga ega Shveytsariyaning Les Roches mehmondo‘stlik maktabi jalb etilgan.
Mazkur ta’lim muassasasi bilan hamkorlikda joriy yilning 21-aprelidan Mehmondo‘stlik menejmenti yo‘nalishi bo‘yicha qisqa (1 ta modul, 4 hafta) va uzoq (8 ta modul, 7 oy) muddatli qayta tayyorlash dasturlari bo‘yicha o‘qish boshlanishi rejalashtirilgan.
Ma’lumot uchun: Akademiyada o‘qish onlayn va oflayn formatlarda o‘tkaziladi. Mashg‘ulotlar Shveytsariyaning Les Roches mehmondo‘stlik maktabining yetakchi o‘qituvchi va trenerlari tomonidan xalqaro tan olingan innovatsion o‘qitish metodologiyasi asosida tashkil etadi. Dasturni muvaffaqiyatli tamomlagan tinglovchilar BMT Turizm va Les Roches tomonidan tan olingan sertifikatlarlarni qo‘lga kiritish va uzoq muddatli kurs bitiruvchilari mamlakatimizdagi va xorijdagi tan olingan turizm maskanida tajriba orttirish imkoniyatiga ega bo‘ladi.
Mamlakatimizda tashkil qilingan ushbu nufuzli ixtisoslashgan xalqaro ta’lim muassasasidagi o‘quv dasturlari hududingizdagi turizm sohasida xizmat ko‘rsatish xodimlari uchun mehmondo‘stlik sohasidagi bilimlarini oshirish va xizmatlar sifati va darajasini dunyo standartlari darajasiga ko‘tarishga qulay imkoniyatlar yaratadi.
Xalqaro turizm akademiyasi qabul komissiyasining aloqa ma’lumotlari:
(tel: +998662406770; +998662408616; e-mail: admissions@tourism-academy.uz).
42 
