Mehmonxona xizmatlari sifatini boshqarish tizimi kompaniyaning ushbu sohadagi raqobatbardoshligining asosiy koʻrsatkichi hisoblanadi.
Oʻz DST ISO 9001:2015 sertifikatining asosiy maqsadlaridan biri xizmat koʻrsatish darajasidan mijozlarning qanoatlanishini oshirishdir. Shu munosabat bilan mehmonxona sanoatida ishlaydigan xodimlarga qoʻyiladigan talablar sezilarli darajada oshadi. Standart boʻyicha sertifikatlashtirish nafaqat korxonani boshqarish tizimini soddalashtirish va uni yanada samarali qilish, balki iqtisodiy samara olish imkonini ham beradi.
“Turizm xizmatlarini sertifikatlash markazi” DUK tarkibidagi menejment tizimlarini sertifikatlashtirish organi Toshkent shahrida joylashgan “Holiday INN Tashkent City” brend mehmonxonasida Oʻz DSt ISO 9001:2015 standarti boʻyicha sifat menejmenti tizimini sertifikatlashtirishni amalga oshirdi. Yuqori rahbariyat va xodimlar sertifikatlashtirish auditidan muvaffaqiyatli oʻtib, yuqori sifat va xalqaro standartga muvofiqligini namoyish etdilar.
“Holiday INN Tashkent City” mehmonxonasini sertifikatlashtirish tashkilot tomonidan taqdim etilayotgan xizmatlar sifati raqobatbardoshlik va respublika bozorida yetakchi oʻrinlarni rivojlantirishni ta’minlash, mehmonxona biznesi samaradorligini oshirish, mavjud moliyaviy, kadrlar resurslaridan oqilona foydalanish va tashkilotni boshqarish tizimini optimallashtirishning strategik asosi sifatida koʻrib chiqilayotganining tasdigʻidir.
Oʻz DSt ISO 9001:2015 standarti boʻyicha sertifikatlashtirish xizmat koʻrsatish sifatini boshqarishning eng muhim mexanizmlaridan biri boʻlib, xizmatlar darajasini obyektiv baholash, ularning iste’molchi uchun xavfsizligini tasdiqlash imkonini beradi. Ushbu standart normalaridan foydalanish quyidagilarga yoʻl beradi: doimiy yuqori sifatli xizmatni kafolatlash, xizmat sifatini doimiy nazorat qilishni ta’minlash, mehmonlarning istaklari, da’volari va sharhlariga oʻz vaqtida javob berish, xodimlarning bilim va malakalarini doimiy oshirish.
82 
