“Turizm xizmatlarini sertifikatlash markazi” DUKning (keyingi oʻrinlarda – Markaz) tegishli qaroriga binoan “OPTIMUM INVEST CORP” MChJga qarashli “RAMADA ENCORE BY WYNDHAM TASHKENT” mehmonxonasiga 3 yulduz toifasi berildi. Mehmonxonada Markaz mutaxassislari tomonidan O‘z MSt 125:2024 “Turizm xizmatlari. Joylashtirish vositalari. Balli tasniflash tizimi” milliy standarti talablariga muvofiq tasniflash ishlari olib borildi.
Zamonaviy va qulay mehmonxona 105 ta nomerdan iborat bo‘lib 210 kishini qabul qilishga mo‘ljallangan. Nomerlar qulay va shinam mebel hamda inventarlar bilan to‘liq jihozlangan. Nomerdagi sanuzel sanitariya jihozlari, kerakli gigiyenik va yuvinish vositalari bilan ta’minlangan.
Mehmoxonada ishbilarmon mehmonlar va biznes vakillari uchun “Samarqand”, “Buxoro” konferensiya va muzokara zallari, shuningdek mehmonxonada faoliyat yuritayotgan “GOURMET” restorani, “MIMOSA” lounj bari mehmonlarga oʻzining mazali taomlari va ajoyib ichimliklarni taklif qiladi.
Mehmonxona Wi-Fi simsiz internet tarmog‘iga ulangan. Mehmonlarga qulaylik yaratish maqsadida elektromobillar va boshqa turdagi elektrotransport uchun quvvatlash stansiyasi mavjud. Mehmonxona zamonaviy jihozlangan bo‘lib sifatli dam olish uchun barcha zarur sharoitlarga ega.
82 
