Raqobat sharoitida ichki va tashqi bozorlarda korxonalar iste’molchilar nazarida xizmatlarning jozibadorligini oshirish yoʻllarini faol ravishda izlashga, shuningdek, xizmatlar koʻrsatish va menejment tizimining samaradorligini oshirishga majbur. Eng universal yondashuvlardan biri ISO 9000 xalqaro standartlari seriyasida taklif qilingan boʻlib, ular sifat menejmenti tizimlarini tuzilishi va takomillashtirish boʻyicha tavsiyalarni oʻz ichiga oladi va tizimni ham, uning atrof-muhitini ham rasmiy baholash vositasi boʻlib xizmat qiladi.
Oʻqitish xodimlarni faoliyatga jalb qilishning yumshoq usullaridan biridir. Shu bilan birga, oʻqitish har bir rivojlanish va amalga oshirish bosqichida ishtirok etadigan xodimlar guruhlarini, ularning oʻqitish ehtiyojlarini aniqlashga asoslangan holda bosqichma-bosqich amalga oshirilishi kerak. Tashkilot:
a) sifat menejmenti tizimi faoliyati natijalari va uning natijaviyligiga taʼsir koʻrsatadigan ishni tashkilot rahbarligi ostida bajaruvchi shaxslar (shaxs)ning zaruriy layoqatliligini aniqlashi kerak;
b) tegishli taʼlim, tayyorgarlik va (yoki) tajriba asosida ushbu shaxslarning layoqatliligini taʼminlashi kerak;
c) qoʻllasa boʻladigan joylarda talab qilinayotgan layoqatlilikni olishga yoʻnaltirilgan harakatlarni qilishi va qilingan harakatlarning natijaviyligini baholashi kerak.
Yuqoridagilardan kelib chiqqan holda, agar oʻz vaqtida xodimlarning bilimdagi kamchiliklari yuzaga chiqsa, ularni ushbu boʻshliqlarni toʻldiradigan va mijozlarga yanada samarali xizmat koʻrsatishga yordam beradigan malaka oshirish kurslariga, tajriba almashishga yuborish mumkin. Bu esa tashkilot oʻz maqsadiga tezroq erishishi mumkinligini anglatadi.
82 
