Xodimlarning layoqatliligi ishlab chiqarish va xizmat koʻrsatishda katta rol oʻynaydi. Layoqatlilik - bu moʻljallangan natijalarga erishish uchun bilim va koʻnikmalarni qoʻllash qobiliyatidir. Layoqatlilik elementlari – bu bilim va koʻnikmalar, motivatsion va maqsadli munosabat, tajriba va salohiyatdir. Xodimlar sifat tizimidagi asosiy manba hisoblanadi, chunki sifatni ta’minlash va yaxshilash uchun sharoit yaratadigan omillar, birinchi navbatda, texnik yoki hatto iqtisodiy emas, balki ijtimoiy omillar, asosan xodimlar bilan bogʻliq. Har qanday tashkilotning xodimlari sifat menejmenti tizimi nuqtai nazaridan asosiy manba boʻlib, asosiy tarkibiy qismning alohida jarayonlarining samaradorligidir.
Oʻqitish xodimlarni faoliyatga jalb qilishning yumshoq usullaridan biridir. Shu bilan birga, oʻqitish har bir rivojlanish va amalga oshirish bosqichida ishtirok etadigan xodimlar guruhlarini, ularning oʻqitish ehtiyojlarini aniqlashga asoslangan holda bosqichma-bosqich amalga oshirilishi kerak. Tashkilot:
a) sifat menejmenti tizimi faoliyati natijalari va uning natijaviyligiga taʼsir koʻrsatadigan ishni tashkilot rahbarligi ostida bajaruvchi shaxslar (shaxs)ning zaruriy layoqatliligini aniqlashi kerak;
b) tegishli taʼlim, tayyorgarlik va (yoki) tajriba asosida ushbu shaxslarning layoqatliligini taʼminlashi kerak;
c) qoʻllasa boʻladigan joylarda talab qilinayotgan layoqatlilikni olishga yoʻnaltirilgan harakatlarni qilishi va qilingan harakatlarning natijaviyligini baholashi kerak.
Sifat menejmenti tizimi murakkab va koʻp qirrali jarayon boʻlib, uning samaradorligi bevosita unda ishtirok etadigan xodimlarning samaradorligiga bogʻliq. Standartlar va iste’molchilar talablariga javob beradigan sifatni ta’minlamasdan, bozorda asosiy pozitsiyalarga erishish va u erda munosib oʻrin egallash mumkin emas.
82 
