Barcha darajadagi rahbarlar tashkilotning maqsadlari va faoliyatining birligini ta’minlaydi. Ular, shuningdek, tashkilotning sifat maqsadlariga erishishda xodimlar ishtirok etadigan sharoitlarni yaratadilar. Bu tashkilotga oʻz maqsadlariga erishish uchun strategiyalarini, siyosatlarini, jarayonlarini va resurslarini birlashtirishga imkon beradi.
Peshqadamlik - sifat faoliyatining eng muhim jihatidir. Bunga biznes egalari jiddiy e’tibor berishlari kerak.
Rahbariyatning xodimlarning qobiliyatlari va xayrixohligiga tayanish qobiliyati sifat menejmenti tizimini joriy etishning eng muhim sharti va peshqadamlikning xususiyatlaridan biridir. Rahbar oʻz qarorlarining toʻgʻriligiga ishonchni qoʻl ostidagi xodimlarni qaror qabul qilish tartibiga jalb qilish muhimligini tushunish bilan birlashtirishi kerak. Bu muammolarni har tomonlama muhokama qilishni va eng yaxshi echimlarni topishni oʻz ichiga oladi.
Har qanday tashkilotning tajribali va malakali rahbarlari oʻz korxonalarida oʻzaro munosabatlar, boshqaruv va ishlab chiqarishning yagona tizimini yaratishga intilishadi, bu jamoaga bozorning oʻzgaruvchan sharoitlaridan qat’i nazar, ma’lum talablarga javob beradigan va iste’molchilarning ehtiyojlarini qondiradigan mahsulotlar ishlab chiqarish/xizmat koʻrsatishga imkon beradi.
Yuqori rahbariyat quyidagilar orqali oʻzining peshqadamligi va sifat menejmenti tizimiga nisbatan tarafdorligini nomoyon qilishi kerak:
-
sifat menejmenti tizimining natijaviyligi uchun javobgarlik olish;
-
-
sifat sohasida tashkilot muhitining sharoitlari va uning strategik yoʻnalishlari bilan mos keladigan siyosat va maqsadlarni ishlab chiqishni taʼminlash;
-
-
tashkilotning biznes-jarayonlarida sifat menejmenti tizimi talablarining integratsiyasini taʼminlash;
-
-
jarayonli yondashuv va xavfga yoʻnaltirilgan tafakkur qoʻllanishiga yordam berish;
-
-
sifat menejmenti tizimi uchun zarur boʻlgan resurslarning oson tushunilishini taʼminlash;
-
-
rahbariyatni jalb qilish va sifat menejmenti tizimi natijaviyligini taʼminlashda xodimlar ishtirokini qoʻllab-quvvatlash;
-
-
boshqa tegishli rahbarlarni oʻz javobgarligi doirasida oʻzlarining peshqadamligini namoyish qilishlarida qoʻllab-quvvatlash.
Barqaror sharoitda tashkilotning samaradorligi peshqadamlik munosabatlarini hisobga olmagan holda boshqarilishi mumkin. Lekin tashkilotning barcha a’zolarini yangi holatlar va ehtiyojlar natijasida oʻzgarishlarga doimiy ravishda javob berishga tayyor boʻlishga majbur qiladigan ba’zi bir beqarorlik yuzaga kelganda, bu holda butun tashkilot faoliyatining samaradorligi rahbarning imkoniyatlariga bogʻliq boʻladi.
82 
