Joriy yil 4-iyul kuni “Turizm xizmatlarini sertifikatlash markazi” DUKning majlislar zalida markaz xodimlari o’rtasida Prezidentimiz tomonidan 2024-yil 5-iyun kuni imzolangan “Manfaatlar to’qnashuvi to’g‘risida”gi qonun mazmun va mohiyatini tushuntirish bo’yicha tadbir o’tkazildi.
Tadbirni Markaz direktori o’rinbosari G.Achilova qisqacha kirish so’zi bilan ochib, O’zbekiston Respublikasi Ekologiya, atrof-muhitni muhofaza qilish va iqlim o’zgarishi vazirligining 2024-yil 11-iyundagi 271-son buyrug‘i bilan tanishtirdi. Unda korrupsiyaga qarshi kurashish masalasining dolzarbligi, davlat tomonidan olib borilayotgan islohotlarda korrupsiyaga qarshi keskin kurash olib borishga jiddiy e’tibor berilayotganligi, ayniqsa tadbirkorlik subyektlariga davlat xizmati ko’rsatish asosiy vazifalardan biri hisoblangan “Turizm xizmatlarini sertifikatlash markazi” DUK uchun alohida ahamiyatga ega ekanligi ta’kidlandi.
Shuningdek, Qonun davlat va mahalliy davlat hokimiyati organlariga, davlat muassasalariga, davlat unitar korxonalariga, davlat maqsadli jamg‘armalariga hamda ustav fondida davlat ulushi 50 foiz miqdorda va undan ortiq bo’lgan aksiyadorlik jamiyatlariga nisbatan tatbiq etilishi yuzasidan ma’lumot berildi.
Qonunga davlat organining yoki boshqa tashkilotning xodimi, manfaatlar to’qnashuvi, manfaatlar to’qnashuvini tartibga solish bo’yicha maxsus bo’linma, shaxsiy manfaatdorlik, yaqin qarindoshlar kabi asosiy tushunchalar kiritilgan.
Qonunga ko’ra quyidagi shaxslar davlat organining yoki boshqa tashkilotning xodimiga aloqador shaxslar deb e’tirof etiladi:
-
davlat organi yoki boshqa tashkilot xodimining yaqin qarindoshlari;
-
-
davlat organining yoki boshqa tashkilotning xodimi va (yoki) uning yaqin qarindoshlari qaysi yuridik shaxsning ustav fondi aksiyalariga yoki ulushlariga egalik qilsa, o’sha yuridik shaxs;
-
-
ular qaysi yuridik shaxsda boshqaruv organining rahbari yoki a’zosi bo’lsa, o’sha yuridik shaxs.
Korrupsiyaga qarshi kurashish agentligi manfaatlar to’qnashuvi bilan bog‘liq munosabatlarni tartibga solish sohasidagi maxsus vakolatli davlat organi hisoblanadi.
Davlat organi yoki boshqa tashkilot xodimi tomonidan qonun talablariga rioya etilishi ustidan nazorat ushbu davlat organida yoki boshqa tashkilotda tuzilgan odob-axloq komissiyasi orqali amalga oshiriladi.
Qonunga asosan, manfaatlar to’qnashuvi to’g‘risidagi axborotni oshkor etish davlat organining yoki boshqa tashkilotning xodimi tomonidan mavjud manfaatlar to’qnashuvi to’g‘risida xabarnoma hamda ehtimoliy manfaatlar to’qnashuvi to’g‘risida deklaratsiya taqdim etish orqali amalga oshiriladi.
Ehtimoliy manfaatlar to’qnashuvi to’g‘risidagi deklaratsiyada quyidagi ma’lumotlar ko’rsatilishi kerak:
-
davlat organi yoki boshqa tashkilot xodimining lavozimi hamda uning familiyasi, ismi, otasining ismi, shuningdek uning jismoniy shaxsning shaxsiy identifikatsiya raqami (JShShIR);
-
-
davlat organi yoki boshqa tashkilot xodimi yaqin qarindoshlarining familiyasi, ismi va otasining ismi, ularning jismoniy shaxsning shaxsiy identifikatsiya raqami (mavjud bo’lgan taqdirda), shuningdek ish joyi va lavozimi;
-
-
davlat organining yoki boshqa tashkilotning xodimi yoki uning yaqin qarindoshlari aksiyador bo’lgan aksiyadorlik jamiyatining rasmiy nomi va uning soliq to’lovchining identifikatsiya raqami (STIR);
-
-
davlat organi yoki boshqa tashkilot xodimining yaqin qarindoshi muassis (ishtirokchi), boshqaruv organi a’zosi bo’lgan yuridik shaxsning rasmiy nomi, shuningdek uning soliq to’lovchining identifikatsiya raqami (STIR).
Deklaratsiya har yili 15-fevralgacha umumlashtiriladi va tahlil qilinadi!
Qonunga muvofiq, davlat organining yoki boshqa tashkilotning xodimi shaxsga doir ma’lumotlari o’zgargan taqdirda, ehtimoliy manfaatlar to’qnashuvi to’g‘risidagi deklaratsiyani to’ldirishi va har yili 15-yanvardan kechiktirmay maxsus bo’linmaga taqdim etishi kerak.
Davlat organiga yoki boshqa tashkilotga ishga qabul qilinayotgan nomzod, shuningdek boshqa ishga o’tkazilgan xodim ehtimoliy manfaatlar to’qnashuvi to’g‘risidagi belgilangan shakldagi deklaratsiyani to’ldirishi va taqdim etishi kerak.
Maxsus bo’linma:
-
ehtimoliy manfaatlar to’qnashuvi to’g‘risidagi har yilgi deklaratsiyani har yili 15-fevralgacha umumlashtiradi va tahlil qiladi;
-
-
ehtimoliy manfaatlar to’qnashuvini tartibga solish bo’yicha choralarning yetarliligini (to’g‘riligini) ta’minlash uchun har yili 1-martga qadar odob-axloq komissiyasiga taklif kiritadi;
-
-
odob-axloq komissiyasi tomonidan qabul qilingan xulosaga asosan ehtimoliy manfaatlar to’qnashuvini tartibga solish yuzasidan choralar ko’rish to’g‘risida davlat organi yoki boshqa tashkilot xodimining bevosita rahbariga yoxud davlat organining yoki boshqa tashkilotning yuqori turuvchi rahbariga taklif kiritadi.
Davlat organining yoki boshqa tashkilotning xodimligiga nomzod ishga qabul qilinayotganda yoxud davlat organi yoki boshqa tashkilot xodimi boshqa ishga o’tkazilayotganda, ehtimoliy manfaatlar to’qnashuvi to’g‘risidagi deklaratsiyani taqdim etganidan keyin maxsus bo’linma yuqorida nazarda tutilgan ishlarni 5 kunlik muddatda amalga oshiradi.
82 
