Sifat menejmentida asosiy e’tibor iste’molchi/mijozga qaratiladi, chunki sifat menejmenti nuqtai nazaridan mahsulot/xizmat sifatiga qoʻyiladigan talablarni belgilaydigan isteʻmolchidir. Boshqacha qilib aytganda, tashkilot iste’molchilar va boshqa manfaatdor tomonlarning ishonchini qozongan va saqlab qolganda barqaror muvaffaqiyatga erishiladi. Shuning uchun iste’molchi bilan oʻzaro munosabatlarning har qanday turi unga koʻproq qiymat yaratish imkoniyatini beradi. Iste’molchilar va boshqa manfaatdor tomonlarning hozirgi va kelajakdagi ehtiyojlarini tushunish tashkilotning barqaror muvaffaqiyatga erishishiga hissa qoʻshadi va shuning uchun “Isteʼmolchilar talablariga moslashish” tamoyili boshqaruv tamoyillari orasida muhim ahamiyatga ega.
Isteʼmolchilar talablariga moslashish - korxonani boshqarishning asosiy maqsadidir. Har bir iste’molchiga mijoz sifatida munosabatda boʻlish ISO 9001 standartining sifat menejmenti tizimlariga qoʻyiladigan asosiy talabidir.
Tashkilotlar mijozlarning (iste’molchilarning) hozirgi va kelajakdagi ehtiyojlarini tushunishlari hamda ularning talablarini kutganlaridan ham oshigʻi bilan bajarishga intilishlari kerak. Standart tavsiyalariga koʻra, ushbu tamoyilni amalda qoʻllash quyidagilarni oʻz ichiga oladi:
- mijozlarning ehtiyojlari va umidlarini aniqlash va tahlil qilish;
- tashkilot maqsadlarini mijozlarning ehtiyojlari va umidlari bilan muvofiqlashtirish;
- tegishli harakatlarni qabul qilgan holda mijozlarning xohishini baholash;
- mijozlar bilan oʻzaro munosabatlar;
- mijozlarning va boshqa manfaatdor tomonlarning (investorlar, muassislar, etkazib beruvchilar, xodimlar, jamoatchilik va boshqalar) manfaatlariga rioya qilishda muvozanatli yondashuvni ta’minlash.
Menejmentning ushbu tamoyilini joriy etish orqali tashkilot menejment tizimining samaradorligiga ta’sir qiluvchi bir qator afzalliklarga ega boʻladi: iste’molchi uchun mahsulot/xizmatlarning ahamiyatini oshirish, iste’molchining sodiqligini oshirish, qoʻshimcha buyurtmalar ehtimolini oshirish, tashkilot obroʻsini oshirish, mijozlar bazasini kengaytirish hamda tovar aylanmasining oʻsishi va kengaytirilgan bozor.
82 
