Sifat menejmenti tizimini (SMT) doimiy ravishda yaxshilash – bu rahbariyat bozordagi mavqeini yaxshilashni istagan tashkilot oldida turgan asosiy vazifadir. Faoliyat koʻrsatkichlarining joriy darajasini saqlab turish, uning ichki va tashqi sharoitlaridagi oʻzgarishlarga javob berish va yangi imkoniyatlar yaratish uchun doimiy yaxshilash juda zarur.
Umuman olganda, tashkilot faoliyatini doimiy ravishda takomillashtirish uning majburiy maqsadi sifatida belgilanishi kerak.
Ushbu maqsad faoliyat tamoyillari va amalga oshirish usullarini belgilaydi. Tashkilot rahbariyati belgilangan vazifalarga minimal yoʻqotishlar bilan erishish va mahsulotlarning toʻgʻri sifatini ta’minlash uchun barcha sa’y-harakatlarni amalga oshirishi shart. Shubhasiz, bunga faqat amaldagi SMTni takomillashtirish orqali erishish mumkin.
Tashkilot takomillashtirish imkoniyatlarini aniqlashi va tanlashi hamda iste’molchilar talablarini qondirish va ularning qoniqishini oshirish uchun zarur harakatlarni amalga oshirishi kerak. Bunga quyidagilar kiradi:
a) talablarni bajarish, shuningdek kelajakdagi ehtiyojlar va kutishlarni hisobga olish maqsadida mahsulot va xizmatlarni takomillashtirish;
b) nomaqbul ta’sirlarni tuzatish, oldini olish yoki kamaytirish;
c) sifat menejmenti tizimining faoliyati va samaradorligi natijalarini yaxshilash.
Har bir tashkilotda jarayonlar oʻz-oʻzidan mavjud emas, ular bir-biri bilan chambarchas bogʻliq va shu bilan oʻzaro ta’sir qiladi. Binobarin, SMTni doimiy ravishda takomillashtirishni ta’minlash uchun mavjud jarayonlarga oʻzgartirishlar kiritish boʻyicha chora-tadbirlarni ishlab chiqish zarurligi toʻgʻrisida qaror qabul qilish, ularning umuman tizim samaradorligiga ta’sirini hisobga olgan holda diqqat bilan tahlil qilish va tayyorlash kerak.
82 
