O‘zbekiston Standartlar institutining 2025-yil 23-oktabrdagi 127/XSt-son buyrug‘i bilan O‘zMSt ISO 21621:2025 (ISO 21621:2021, IDT) “Turizm va unga bog‘liq xizmatlar. An’anaviy restoranlar. Vizual jihatlar, bezatish va xizmatlar” xalqaro standarti tasdiqlandi va davlat ro‘yxatiga olindi. Mazkur standart O‘zbekiston Standartlar instituti tomonidan Turizm qoʻmitasi qoshidagi STQ 9 “Turizm sohasida standartlashtirish bo‘yicha texnik qo‘mita” bilan hamkorlikda ishlab chiqildi.
Ushbu hujjat ma’lum bir mamlakat yoki hududning o‘ziga xos taomlari va urf-odatlariga mansub an’anaviy restoranlarning muhitiga hamda xizmat ko‘rsatishiga oid talablar va tavsiyalarni belgilaydi. Standartda an’anaviy restoranning binosi, mebellari va bezaklari, oshxona madaniyati va taom tortish urf-odatlariga aloqador elementlar, xizmatlar va xodimlarga doir talablar va tavsiyalar berilgan. Standartning A ilovasida turli mamlakatlar taomlariga misollar keltirilgan.
Standart joriy yilning 23-noyabrdan amalga joriy etiladi.
36 
