Sifat menejmenti tizimi (SMT) tashkilotni boshqarish samaradorligini oshirish vositalaridan biridir. Tizim jarayonlar va ularning xavflariga asoslanadi. SMT jarayonlari - bu haqiqatan ham amalga oshiriladigan va mantiqiy ravishda yakunlangan harakatlar ketma-ketligidir. Tashkilot sifat menejmenti tizimini, jumladan zarur jarayonlar va ularning oʻzaro munosabatlarini ISO 9001 standarti talablariga muvofiq ishlab chiqishi, joriy qilishi, saqlashi va doimo yaxshilashi kerak.
Tashkilot sifat menejmenti tizimi uchun zarur boʻlgan jarayonlarni va ularni tashkilot doirasida qoʻllashni aniqlashi kerak, hamda:
a) ushbu jarayonlarning talab qilinadigan kirishlari va kutiladigan chiqishlarini aniqlashi;
b) ushbu jarayonlarning ketma-ketligi va oʻzaro munosabatlarini aniqlashi;
c) ushbu jarayonlarning natijaviy ishlashini taʼminlash va ularni boshqarish uchun zarur mezonlar va usullarni (shu jumladan monitoring, oʻlchashlar va faoliyat natijalarining tegishli koʻrsatkichlari) aniqlashi va qoʻllashi;
d) ushbu jarayonlar uchun zarur resurslarni aniqlash va ularning oson tushunilishini taʼminlashi;
e) ushbu jarayonlarga nisbatan majburiyatlar, masʼuliyat va vakolatni taqsimlashi;
f) talablarga muvofiq xavflar va imkoniyatlarni hisobga olishi;
g) ushbu jarayonlarni baholash va jarayonlar belgilangan natijalarga erishishini taʼminlash uchun zarur boʻlgan har qanday oʻzgarishlarni kiritishi;
h) jarayonlar va sifat menejmenti tizimini yaxshilashi kerak.
Bundan kelib chiqadiki, tashkilot oʻzi uchun toʻgʻri asosiy jarayonlarni va ularning oʻzaro ta’sirini aniqlashi kerak. Oʻzaro ta’sir bir jarayonning boshqasiga qanday ta’sir qilishini anglatadi. Agar bosqichlar aniqlanmagan yoki toʻliq aniqlanmagan boʻlsa, unda jarayonlarning oʻzaro ta’sirini tavsiflab boʻlmaydi. Jarayonlar samaradorligi uchun kuzatilishi va kerak boʻlganda yaxshilanishi zarur.
82 
