Mahsulotlarning xavfsizligi va sifatini ta’minlash muammolari oziq-ovqat sanoati va mehmondoʻstlik sanoati uchun tobora dolzarb boʻlib bormoqda.
Oziq-ovqat xavfsizligi - bu odamlarga va kelajak avlodlarga zararli ta’sir bilan bogʻliq xavf yoʻqligiga dalil boʻluvchi oziq-ovqat mahsulotlarining holati hisoblanadi.
Restoran biznesida ham butun mehmondoʻstlik sohasida boʻlgani kabi oziq - ovqat xavfsizligi darajasi biznesni baholash va muvaffaqiyatning asosiy mezonidir.
НАССР (Hazard Analysis and Critical Control Points - xavfli omillar va tanqidiy nazorat nuqtalarining tahlili) tizimi - bu oziq-ovqat xavfsizligini ta’minlash uchun qoʻshimcha vositadir.
HACCP tizimi - bu ishlab chiqarish texnologiyasi, qadoqlash, saqlash, logistika, sotish va ishlatiladigan moylash materiallarini nazorat qilishni oʻz ichiga olgan jarayonlarni boshqarish usuli hisoblanadi.
Tizim ettita asosiy tamoyilni hisobga olgan holda ishlab chiqilishi kerak:
1. Xavfli omillarni (xatarlarni) tahlil qilish - mahsulotlarning hayot siklining barcha bosqichlarida xavflarning ahamiyatini va ularning xavf darajasini baholash jarayoni orqali.
2. Tanqidiy nazorat nuqtalarini aniqlash.
3. Har bir tanqidiy nazorat nuqtalari uchun muhim chegaralarni belgilash - bu jarayon nazorat ostida ekanligini koʻrsatadigan mezonni aniqlash.
4. Rejalashtirilgan chora-tadbirlar yoki kuzatishlar asosida tanqidiy nazorat nuqtalarini nazorat qilishni ta’minlaydigan monitoring tizimini ishlab chiqish.
5. Monitoring natijalari ma’lum bir muayyan tanqidiy nazorat nuqtasida boshqaruvning yoʻqligini koʻrsatadigan taqdirda amalga oshiriladigan tuzatish choralarini aniqlash.
6. HACCP tizimining samaradorligini tasdiqlash uchun tekshirish tartibini ishlab chiqish.
7. HACCP tamoyillari va ularning qoʻllanilishiga mos keladigan barcha protseduralar va yozuvlar boʻyicha hujjatlarni ishlab chiqish.
HACCP tizimiga ega korxonalarning afzalliklari - bu yaroqsizlikni qisqartirish orqali tejash, boshqa menejment tizimlari bilan integratsiya qilish qobiliyati, tanqidiy jarayonlarni tezkor aniqlash va belgilangan parametrlardan chetga chiqishga tezkor javob berish, nazorat qiluvchi organlarning ishonchini oshirish, mahsulot xavfsizligini hujjatli tasdiqlash hisoblanadi.