Xalqaro standartlashtirish tashkiloti (ISO) tomonidan xodimlar, xizmat ko‘rsatish, tadbirlar, ko‘ngilochar tadbirlar, xavfsizlik va muhofaza, texnik xizmat ko‘rsatish, tozalik, ta’minotni boshqarish va mehmonlarning qanoatlanishiga nisbatan mehmonxonalar uchun tavsiyalarni o‘z ichiga oluvchi ISO 22483:2020 xalqaro standarti ishlab chiqilgan bo‘lib ushbu standart respublikamizda ham amal qilishi uchun Oʻz DSt 22483:2022 davlat standarti sifatida qabul qilingan.
Mazkur davlat standarti joylashtirish vositalari egalari xodimlar uchun quyidagi sharoitlar yaratilishini tavsiya etadi.
Mehmonxona rahbariyati xodimlarga taklif etilayotgan xizmatlar va sharoitlarni belgilashi hamda quyidagilarga muvofiq bo‘lishi kerak:
a) agar mehmonxona rahbariyati xodimlar uniforma kiyishlari lozim deb qaror qilsa, mos uniforma mehmonxona tomonidan taqdim qilinishi kerak;
b) agar xodimlar egallab turgan lavozimi kiyimni almashtirishni taqozo etsa, kiyim almashtirish uchun qulayliklar yaratilishi kerak; zarur hollarda kiyim almashtirish joylarida erkaklar va ayollar uchun alohida joylar hamda kiyim almashtirish joyi ko‘rinmasligi uchun to‘silishi kerak;
s) vannaxonalar va hojatxonalarda hojatxona qog‘ozi, qog‘ozli sochiqlar yoki elektr sochiq, sovun va dezinfeksiya vositasi, qog‘oz uchun savatcha va ilgaklar bo‘lishi kerak. Qattiq holatdagi sovundan foydalanmaslik lozim;
d) agar mehmonxona xodimlarini transportda tashish xizmatini taklif qilsa bu xizmat baxtsiz hodisalardan sug‘urtalanishi kerak;
e) xodimlar uchun barcha xonalar toza va saranjom bo‘lishi kerak.
Agar mehmonxonada har qanday turdagi nogironligi bo‘lgan inson ishlasa mehmonxona uning ish joyini moslashtirib berishi kerak.
Ushbu davlat standarti bilan tourquality.uz sayti orqali tanishishingiz mumkin.
82 
